यावल (प्रतिनिधी) एका मुलीशी प्रेम संबंध असल्याच्या रागातून तरुणावर चाकुने प्राणघातक हल्ला करुन खुनाचा प्रयत्न केल्याची घटना यावल येथे घडली. याप्रकरणी यावल पोलीस स्थानकात शेख मुज्जमिल उर्फ मूज्जू शेख (वय २६, रा. तहा नगर फैजपूर) यांच्यासह दोघांविरुद्ध गुन्हा दाखल करण्यात आला असून तिघांना अटक करण्यात आली आहे.
यासंदर्भात जावेद युनूस पटेल (वय २२ रा. देशपांडे गल्ली यावल) याने दिलेल्या फिर्यादीनुसार, दि. ६ मे २०२२ रोजी पहाटे २: ३० वाजेच्या दरम्यान घोडेपीर बाबाच्या दर्गाजवळ शेख मुज्जमिल उर्फ मूज्जू शेख (वय २६, रा. तहा नगर फैजपूर) याने जुन्या भांडणाचे रागातून व एका मुलीसोबत प्रेमसंबंधाच्या रागातून जावेद पटेलवर चाकुने ठिक ठिकाणी पाठीवर हातावर मांडीवर जखमा केल्या. तसेच डाव्या हाताखाली छातीजवळ जीव घेण्याचे उद्देशाने चाकुने प्राणघातक हल्ला करुन जावेद पटेलला गंभीर दुखापत केली. तसेच मुज्जु याच्या सोबत असलेला इतर दोन इसम (पूर्ण नाव माहित नाही) वयोगट अंदाजे २५ वर्षे यांनी चाकूने व लोखंडी रॉडने मारहाण करून जावेदला गंभीर दुखापत केली आहे. याप्रकरणी यावल पोलीस स्थानकात शेख मुज्जमिल उर्फ मूज्जू शेख (वय २६, रा. तहा नगर फैजपूर) यांच्यासह दोघांविरुद्ध गुन्हा दाखल करण्यात आला असून तिघांना अटक करण्यात आली आहे. तसेच पुढील तपास मासहा. पोलीस अधिक्षक श्रीकांबळे हे करीत आहेत.
