नवी दिल्ली (वृत्तसंस्था) हैती देशात शक्तीशाली भूकंप झाला असून या भूकंपात ७२४ जणांचा मृत्यू झाला आहे. तर २ हजार ८०० पेक्षा नागरिक जखमी झाले आहेत. ७.२ रिश्टर स्केल ऐवढा शक्तीशाली हा भूकंप होता. मृतांचा आकडा वाढण्याची भीती व्यक्त केली जात आहे. प्रशासनाकडून युद्ध पातळीवर बचावकार्य सुरु आहे.
शनिवारी भूकंपामुळे हैतीमधील अनेक शहरं उद्ध्वस्थ झाली आहे. प्रशासनाकडून युद्ध पातळीवर बचावकार्य सुरु आहे. भूकंपामुळं उद्भवलेल्या भूस्खलनामुळे बचाव कार्यात अडथळे येते आहेत. आधीपासूनच कोरोनाच्या प्रादुर्भावाचा सामना करणाऱ्या हैतीतील नागरिकांच्या समस्या भूकंपामुळे आणखी वाढल्या आहेत. भूकंपाचा केंद्रबिंदू राजधानी पोर्ट औ प्रिन्सपासून १२५ किलोमीटरवर असल्याचं अमेरिकेच्या भूगर्भ सर्व्हेक्षणाकडून सांगण्यात आलं आहे. भुकंपाच्या तीव्र धक्क्यानंतर काही सौम्य धक्केही जाणवले. त्यामुळे भीतीच्या सावटाखाली नागरिकांनी रात्र रस्त्यावरच काढली.
दुसरीकडे पुढच्या आठवड्यात हैतीवरील संकट आणखी वाढण्याची शक्यता आहे. ग्रेस वादळ सोमवार किंवा मंगळवारी हैतीच्या किनारपट्टीला धडकेल, असा अंदाज आहे. अमेरिकेचे राष्ट्राध्यक्ष जो बायडेन यांनी युएसएड प्रशासक समांथा पॉवर यांची हैतीच्या मदतीसाठी समन्वयक म्हणून नियुक्ती केली आहे. युएसएड हैतीमधील नुकसानीचा आढावा घेऊन मदत करणार आहे. अमेरिकेसह अर्जेंटिना, चिली या देशांनीही मदतीची घोषणा केली आहे.
