चोपडा (प्रतिनिधी) गुरांची अवैध वाहतूक करणाऱ्यांवर कारवाईची राग मनात ठेवून एका टोळक्याने पोलिस अधिकारीवर प्राणघातक हल्ला चढविल्याची घटना चोपड्यात घडली आहे. टोळक्याने सहाय्यक पोलिस निरिक्षकास फायटर व काठीने जबर मारहाण करून दुखापत केली. याप्रकरणी ७ संशयितांना अटक करण्यात आली आहे. तर इतर १०-१५ संशयितांचा शोध सुरु आहे.
याबाबत पोलीस सुत्रांकडून प्राप्त माहिती अशी की, रात्री ११ वाजेच्या सुमारास अवैद्यरित्या गोवंश जातीच्या जनावरांच्या वाहतुक एक वाहन गोरक्षक दलाने शेतपुराजवळ पकडले होते. त्यामुळे घटनास्थळी जमाव जमला होता. घटनेची माहिती मिळताच पोलिसांचे एक पथक घटनास्थळी पोहचले. दरम्यान, पोलिसांनी आधीही केलेल्या अवैध वाहतूक पकडण्याच्या कारवाईचा राग मनात ठेवून सपोनि अजित सावळे यांच्यावर टोळक्याने हल्ला चढवला. यावेळी सावळे यांना जीवे ठार मारण्याची धमकी देखील देण्यात आले. तर सावळे व पोहेकॉ संतोष पारधी हे करीत असलेल्या शासकीय कामात अडथळा आणला.
शेख साजीद शेख सलीम कुरेशी, शेख सऊद शेख सलीम कुरेशी,शेख सलीम उर्फ टेन्शन शेख उमर कुरेशी,झियाऊद्दीन गयासुद्दीन काझी,शेख इब्राहीम शेख हमीद कुरेशी,शेख नाजीम शेख युनुस,शोएब सलीम कुरेशी,रईस रज्जाक कुरेशी (सर्व रा. साने गुरुजी वसाहत चोपडा) व इतर 10 ते 15 लोकांनी सदर ठिकाणी गैरकायदयाची मंडळी जमवून हल्ला चढवून काठीने व फायटरने मारहाण केली.
सपोनि अजित सावळे यांच्या फिर्यादीवरुन संशयित आरोपितांविरुध्द शहर पोलिस स्टेशनला गु.र.नं/ भादवि कलम/सीसीटीएनएस गुरनं 609/2023 भादंवि कलम 307, 353, 332, 143, 147, 148, 149, 323, 506, 427,109 प्रमाणे गुन्हा दाखल करण्यात आला असून ७ जणांना अटक करण्यात आली आहे. तर इतरांचा शोध सुरु आहेत. पुढील तपास पो.नि. के.के.पाटील यांच्या मार्गदर्शनाखाली पोउपनि घनश्याम तांबे हे करित आहे.
