भुसावळ (प्रतिनिधी) कोरोनाची लस घेतल्यानंतर त्रास जाणवू लागला म्हणून डॉक्टरकडे गेलेल्या एका पीएसआयला मारहाणीचा प्रयत्न झाल्याप्रकरणी शहर पोलिसात तक्रार दाखल करण्यात आली आहे.
या संदर्भात अधिक असे की, रेल्वेत कार्यकारत असलेले पीएसआय डॉ. विजय साळवे यांनी कोरोना लस घेतल्यानंतर सर्दी-तापची लक्षणे जाणवली. त्यानंतर ते अपर मुख्य चिकित्सा अधिक्षक रेल्वे हॉस्पिटलचे डॉ. सिध्देश कुमार यांच्याकडे गेले. परंतु डॉ. सिध्देश यांनी डॉ. साळवे यांना मारण्याचा प्रयत्न केला. डॉ. साळवे यांच्या तक्रारीवरून भुसावळ शहर पोलीस स्थानकात डॉ. सिध्देश कुमार यांच्या विरुद्ध तक्रार दाखल करण्यात आली.
डॉ. विजय साहेबराव साळवे (रा. रेल्वे क्वार्टर, बंगला रेल्वे कॉलनी, वरणगाव रोड, भुसावळ) यांनी दिलेल्या तक्रारीत म्हंटले आहे की, दि. १० मार्च २०२१ रोजी माझी तब्येत कोरोना वैक्सिन घेतल्याने जास्त खराब झाली व मी सर्दी-ताप बरा होण्यासाठी मंडळ निरीक्षक रवी शर्मा यांची सहमती घेऊन रेल्वे हॉस्पिटल भुसावळ येथे जवळपास ४.१५ ते ४.४५ वाजेच्या दरम्यान गेलो आणि केस पेपर काढून डॉक्टरचे अटेडंट यांना केस पेपर दाखवुन मास्क लावुन आत गेलो आणि डॉ. सिध्देश कुमार (पॅथोलॉजिस्ट अपर मुख्य चिकित्सा अधिक्षक रेल्वे हॉस्पिटल) यांना करून सांगितले की, मला कोरोना वैक्सिन घेतल्याने सर्दी-ताप आला आहे. त्यावर डॉक्टरला वाटले की, मी कोरोना पेशंट आहे, म्हणुन त्यांनी औषधी लिहिता लिहिता बाहर जा असे हिंदित एकेरी भाषेत रागात बोलुन हिंदीमध्ये आई-बहिणी वरुन शिव्या देत वाश-बेसीन जवळील स्टीलचा रॉड आपल्या उजव्या हातात घेऊन माझ्या दिशेला मला मारायला आले, तेव्हा मी लगेच आपल्या बचावासाठी मोबाईल माझ्या पॅन्टच्या खिशातुन काढुन शुटिंग मोड वर लावला व शुटिंग घेऊ लागताच डॉक्टरने आपल्या उजव्या हातातील स्टिल रॉड लगेच आपल्या डाव्या हातात घेऊन मोबाईल शुटिंगमध्ये येऊ नये म्हणून आपल्या डाव्या पायाजवळ समांतर लपवला व डावा हाथ वर करुन मला मारण्याचा प्रयत्न केला. व मला हिंदित म्हटले की, “तु जानता नही में कोण हु म्हणत बाहेर हाकलुन लावले, त्यावर लगेच मी सदरची घटना रेल्वे हॉस्पीटलचे चीफ डॉ. श्रवण कुमंडवी, मुख्य चिकित्सा अधिक्षक (प्रभारी) यांना सांगितली. तसेच माझ्या मोबाईल मधील शुटिंग देखील त्यांना दाखवली. त्यावर त्यांनी सदरच्या डॉक्टरची लेखी तक्रार करण्याचा सल्ला दिला. नंतर मी गोळ्या घेऊन ऑफिसला आलो व माझ्या साहेब लोकांना घटना सांगितली, त्यावर त्यांनी तक्रार करण्याचा सल्ला दिला, यानंतर माझी तब्येत घराब झाली म्हणून माझ्या रेल्वे क्वार्टर वर गेलो गोळ्या घेतल्या आज जरा बरे वाटतयं म्हणून भुसावळ शहर पोलीस स्टेशन येथे तक्रार दाखल केली आहे.
