फैजपूर (प्रतिनिधी) आयशर गाडी मागे घेत असतांना मोटर सायकलला धक्का लागल्याचे सांगत असताना पाच ते सहा दोघ मित्रांना मारहाण करून एकाच्या डोक्याला लोखंडी रॉडने मारून जिवेठार मारण्याचा प्रयत्न केल्याची घटना उघडकीस आली आहे. याप्रकरणी फैजपुर पोलीस स्थानकात अहसान खान युसुफ खान, शेख रेहान शेख मुशीर व त्यांच्यासोबत 20 ते 25 वयोगटातील तीन ते चार अनोळखी इसम यांच्याविरुद्ध गुन्हा दाखल करण्यात आला असून दोन आरोपींना अटक करण्यात आली आहे.
यासंदर्भात प्रसाद अनिल मिस्तरी (चित्ते) (वय २५, सुतारवाडा फैजपूर ता. यावल) याने दिलेल्या फिर्यादीनुसार, ११ मे २०२२ रोजी ९ वाजून १५ वाजेच्या सुमारास प्रसाद मिस्तरी तसेच त्याचा मित्र कल्पेश राजेंद्र निंबाळे असे सुभाष चौकातील भोजराज बाविस्कर यांचे अंडाभुर्जीचे गाडीजवळ सार्वजनिक जागी मित्राची होंडा शाईन मोटर सायकल (क्र. एमएच-१४-जीएक्स-११७८) ही उभी करुन अंडाभुर्जी खात बसले होते. यावेळी एक लाल रंगाची आयशर गाडी (नंबर माहित नाही) हीस तीचे वरिल ड्रायव्हर मागे (रिव्हर्स) घेत असतांना प्रसाद याने लावलेली मोटर सायकलला धक्का लागला. प्रसाद याच्या ताब्यातील मोटर सायकलखाली पडल्याने मित्र कल्पेश राजेंद्र निंबाळे याने सदर आयशर गाडीचे चालकाला त्याबाबत सांगत असतांना सदर ठिकाणी बेकायदेशीर जमाव करुन उभे असलेले अहसान खान युसुफ खान, शेख रेहान शेख मुशीर (दोन्ही रा. फैजपुर ता. यावल) व त्याचे सोबत २० ते २५ वयोगटातील तीन ते चार अनोळखी इसम अशांनी प्रसाद तसेच प्रसादचा मित्र कल्पेश राजेंद्र निंबाळे अशांना शिवीगाळ केली. त्यातील एकाने त्याचे हातातील काठीने तसेच चापाटा बुक्क्यांनी मारहाण करु लागले व त्यातील एकाने त्याचे हातातील लोखंडी रॉडने कल्पेश राजेंद्र निंबाळे याचे डोक्याचे मागील बाजुस जिवे ठार मारण्याचे उद्देशाने मारुन गंभीर दुखापत करुन रक्तबंभाळ केले. तसेच एकाने त्याचे हातातील काठिने कल्पेश राजेंद्र निंबाळे याचे डाव्या हाताचे खांद्यावर काठीने मारुन दुखापत केली आहे.
याप्रकरणी फैजपुर पोलीस स्थानकात अहसान खान युसुफ खान, शेख रेहान शेख मुशीर (दोन्ही रा. फैजपूर ता. यावल) व त्यांच्यासोबत 20 ते 25 वयोगटातील तीन ते चार अनोळखी इसम यांच्याविरुद्ध गुन्हा दाखल करण्यात आला असून दोन आरोपींना अटक करण्यात आली आहे. पुढील तपास पोलीस उपनिरीक्षक मोहन लोखंडे हे करीत आहेत.
