नवी दिल्ली (वृत्तसंस्था) ब्राझीलच्या मोरो संपियेत्रीने दुसरं लग्न करण्यासाठी आपल्या पहिल्या पत्नीसोबत जे काही केलं ते जाणून कोणाचाही थरकार उडेल. या व्यक्तीने पत्नीला रस्त्यातून बाजूला करण्यासाठी तंदूरमध्ये बार्बेक्यूप्रमाणे शिजवून खाल्लं (Man ate Body Parts of Wife), जेणेकरून कोणताही पुरावा राहणार नाही आणि त्याला आपल्या नव्या पत्नीसोबत आनंदात राहाता येईल.
शरीराचे तुकडे करून मांस खाल्लं
एका वृत्तानुसार, मोरो नावाच्या आरोपीचं दुसऱ्याच महिलेवर प्रेम जडलं होतं. हे प्रेम मिळवण्यासाठी तो काहीही करायला तयार होता. अशात त्याने पहिल्या पत्नीला आपल्या रस्त्यातून बाजूला करण्यासाठी तिची हत्या केली. यानंतर त्याने पत्नीचं मांस खाऊन टाकलं आणि दुसरं लग्न केलं. कोर्टात आरोपीला शिक्षा सुनावण्यात आल्यानंतर पोलिसांनी माध्यमांना संपूर्ण प्रकरणाची माहिती दिली. प्रकरण समोर आल्यानंतर सगळ्यांचाच थरकाप उडाला. आरोपीने पहिल्या पत्नीची हत्या केली आणि नंतर तिच्या शरीराचे तुकडे करून अवयव भाजून प्लेटमध्ये घेऊन तिचं मांस खाल्लं. हे सर्व त्याने यासाठी केलं, जेणेकरून पोलिसांना त्याच्याविरोधात काहीही पुरावा मिळू नये आणि त्याला आपल्या नव्या पत्नीसोबत आनंदात राहाता येईल.
अन् तिची केली हत्या
५९ वर्षीय मोरो संपियेत्रीला आपली पत्नी क्लॉडेटे संपियेत्री हिचा काहीही त्रास नव्हता. खरंतर आधी त्याचं तिच्यावर खूप प्रेम होतं. दोघांनी बराच काळ एकमेकांची साथ दिली. मात्र जेव्हा त्याला पत्नी आपल्या रस्त्यात अडथळा होत असल्याचं वाटलं, तेव्हा त्याने तिची हत्या केली. मात्र पत्नी बेपत्ता झाल्यानंतर तपास सुरू केला असता या व्यक्तीच्या घराजवळच काही अवशेष मिळाले, यानंतर पोलिसांनी आरोपीला अटक केली.
आरोपीला २१ वर्ष तुरुंगवासाची शिक्षा
ही हत्या मोरोने जानेवारी २०१७ मध्ये केली होती. तो तुरुंगातून फरार झाला होता. त्याला २१ वर्ष तुरुंगवासाची शिक्षा सुनावण्यात आली होती. मात्र त्याला दुसरं लग्नही करायचं होतं. यामुळे तो तुरुंगातून फरार झाला आणि त्याने दुसरं लग्न केलं. जवळपास पाच वर्षांनी तो परत पोलिसांच्या तावडीत सापडला. एकदा रात्री ट्राफीक पोलिसांनी त्याला थांबवलं. तेव्हा तो आपल्या दुसऱ्या पत्नीला घेण्यासाठी जात होता. त्याने आपण परदेशातील नागरिक असल्याचं सांगितलं, मात्र .याचा काहीही पुरावा तो देऊ शकला नाही. यामुळे त्याला स्थानिक पोलिसांच्या ताब्यात देण्यात आलं. इथे पोलिसांनी आपल्या पद्धतीने त्याची खरी ओळख शोधून काढली आणि यानंतर त्याने आपला गुन्हा मान्य केला.
