कोल्हापुर (वृत्तसंस्था) विधानपरिषद बिनविरोध निवडणूक करण्यासाठी महाविकास आघाडीकडून सकारात्मक प्रतिसाद आला तर प्रयत्न करू. राज्यसभा निवडणुकीत आलेला अनुभव पाहता महाविकास योग्य निर्णय घेईल, अशी प्रतिक्रिया भाजप प्रदेशाध्यक्ष चंद्रकांत पाटील यांनी आज कोल्हापुरात (Kolhapur) बोलताना दिली.
कोल्हापुरचे धनंजय महाडिक यांनी राज्यसभेवर विजय मिळवला. काल कोल्हापुरात धनंजय महाडिक यांच्यासह चंद्रकांत पाटील यांचेही जल्लोषात स्वागत केले. आज चंद्रकांत पाटील यांनी पत्रकारांशी संवाद साधला. यावेळी त्यांनी विधान परिषदेची निवडणूक संदर्भात बोलताना, विधान परिषद बिनविरोध करण्यासाठी महाविकास आघाडीकडून सकारात्मक प्रतिसाद आला तर प्रयत्न करु, असं चंद्रकांत पाटील यांनी म्हटले आहे.
चंद्रकांत पाटील म्हणाले, महाविकास आघाडीला राज्यसभा निवडणुकीमध्ये आलेल्या अनुभवावरुन आता विधान परिषदेसाठी ते योग्य निर्णय घेतील, अशी आशा आहे. माझा आणि देवेंद्र फडणवीस यांचा फोन कायम सुरू आहे, त्यांनी आमच्याशी कधीही संवाद साधावा.
राज्यात होणाऱ्या विधानसभेच्या निवडणूका बिनविरोध होणार आहेत का, हे पाहण आता महत्वाच ठरणार आहे. २० जून रोजी विधानपरिषदेसाठी निवडणूक होणार आहे. विधान परिषदेसाठी भाजपने प्रविण दरेकर, राम शिंदे, श्रीकांत भारतीय, उमा खापरे, प्रसाद लाड यांची नावे जाहीर केली आहेत.
