भोपाळ (वृत्तसंस्था) छतरपूरमधील एका पत्नीने आपल्या पतीचा विश्वासघात करत त्याच्या चहात विष घातल्याचा धक्कादायक प्रकार समोर आला आहे. पत्नीचे दुसऱ्या तरुणासोबत अवैध संबंध (Extra Marital Affair) होते. यामुळे पतीला मार्गातून हटवण्यासाठी तिने पतीच्या हत्येचा प्लान आखला.
ही घटना छतरपूर जिल्ह्यातील लवकुशनगर पोलीस ठाणे हद्दीतील आहे. येथे राहणारा प्रमोद विश्वकर्माने सांगितलं की, त्याची पत्नी सुधा विश्वकर्मा हिचे संतोष विश्वकर्मा याच्यासोबत प्रेमसंबंध आहेत आणि दोघांना मी अनेकदा आक्षेपार्ह अवस्थेत पकडलं आहे. पत्नीला त्याने समजावण्याचा प्रयत्न केला, मात्र ती ऐकत नसल्याचं पीडित तरुणाने सांगितलं. तरुणाने पत्नीचे कृत्य आपल्या कुटुंबीयांनाही दिली. ते ही तिला वारंवार सांगत होते. मात्र पीडित तरुणासोबत राहायचं नसल्याचं सांगून पत्नीचे विवाहबाह्य संबंध सुरूच होते. मात्र पीडित तरुणाला आपल्या पत्नीला सोडण्याची इच्छा नाही. त्यांच्या लग्नाला ८ ते ९ वर्षे झाले आहेत. याशिवाय त्यांना दोन मुलंही आहेत. त्यामुळे पती कायम पत्नीला समजावण्याचा प्रयत्न करीत होता. आता मात्र पत्नी पतीला मार्गातून बाहेर काढण्याचा प्रयत्न करीत आहे. त्यामुळे पत्नीने चहामध्ये विष दिल्याचा दावा पतीने केला आहे. मात्र तरीही प्रमोद आपल्या सुंदर पत्नीला सोडू इच्छित नाही. रुग्णालयात असतानाही तो आपल्या पत्नीचा फोटो पाहत राहतो.
