भुसावळ (प्रतिनिधी) गुन्हा दाखल न करण्याच्या मोबदल्यात सहा हजारांची लाच स्वीकारणार्या भुसावळ तालुका पोलीस ठाण्यातील एका हवालदाराला जळगाव एसीबीने आज (गुरुवार) सकाळी मांडवेदिगर फाट्याजवळ पकडल्याचे कळते. सायंकाळपर्यंत मात्र, याबाबत अधिकृत कोणतीही माहिती जळगाव एसीबीने दिलेली नव्हती.
सूत्रांनी दिलेल्या माहिती नुसार कुर्हेपानाचे परीसरातील 35 वर्षीय शेतकरी तक्रारदार असून त्यांच्यासह अन्य दोन शेतकर्यांच्या शेतात इलेक्ट्रीक मोटार होती. अन्य शेतकर्याची पाच हजार रुपये किंमतीची मोटार नुकतीच चोरीला गेली होती. यानंतर कुर्हे बीटचे हवालदारने शेतकर्याच्या तोंडी तक्रारीवरून तक्रारदार असलेल्या शेतकर्याशी संवाद साधून संबंधित शेतकर्यांचा तुमच्यावर मोटार चोरीचा आरोप असून प्रकरण मिटवण्यासाठी मला एक हजारांची व मोटार चोरीपोटी पाच हजार रुपये संबंधिताना देण्याची मागणी केली. त्यामुळे तक्रारदाराने याबाबत एसीबीकडे बुधवारी तक्रार दिल्यानंतर लाच पडताळणी करण्यात आली.
हवालदारने बुधवारी रात्र गस्त असल्याने त्यांनी ड्युटी आटोपल्यानंतर पहाटे साडेसात वाजेच्या सुमारास तक्रारदाराला लाच रक्कम देण्यासाठी मांडवा फाट्यावर बोलावले. शेतकर्याकडून सहा हजारांची लाच घेताच दबा धरून असलेल्या पथकाने हवालदारला ताब्यात घेतले. दरम्यान, सायंकाळपर्यंत जळगाव एसीबीने याबाबत अधिकृत कोणतीही माहिती कळवलेली नाहीय.
