भुसावळ (प्रतिनिधी) शहरातील न्यू सातारा रोडवरील मरीमाता मंदिर परिसरात गोळीबार झाल्याचे वृत्त असून त्यात दोन जण गंभीर जखमी झाल्याचे कळते.
शहरातील न्यू सातारा रोडवरील मरीमाता मंदिर परिसरात रात्री साधारण १० वाजेच्या सुमारास न्यू सातारा परिसरातील मरी माता मंदिर समोरील परिसरात गोळीबार झाल्याचे वृत्त समोर येत आहे. या गोळीबारात एक राजकीय व्यक्ती तर अन्य एक जण गंभीर जखमी झाल्याचे कळतेय. यात सामाजिक कार्यकर्ते तथा माजी नगरसेवक संतोष बारसे तसेच सामाजिक कार्यकर्ते सुनील राखुंडे हे गंभीर जखमी झाल्याचे कळतेय. परंतू या वृत्ताला अद्याप कुणीही दुजोरा दिलेला नाहीय. परंतू या हल्ल्यात दोघांचा मृत्यू झाला असून त्यांना लागलीच डॉ.उल्हास पाटील वैद्यकीय महाविद्यालयात हलविण्यात आल्याचे समजते.
