भुसावळ प्रतिनिधी । भांडणाच्या वादातून एका महिलेचा चाकू भोसकून खून केल्याची धक्कादायक घटना बुधवारी रात्री साडेअकरा वाजेच्या सुमारास भुसावळ तालुक्यातील साकेगावात घडली आहे. याप्रकरणी एकाला अटक करण्यात आली आहे.
सोनाली महेंद्र कोळी रा. साकेगाव ता.भुसावळ असे मयत झालेल्या महिलेचे नाव आहे. त्याच्या आपल्या कुटुंबासह वास्तव्याला आहे. बुधवारी २५ सप्टेंबर रोजी रात्री ११.३० वाजेच्या सुमारास महिलेचे गावात राहणारा सागर रमेश कोळी (वय – २८) याच्यासोबत भांडण झाले या रागातून सागर कोळी याने हातात असलेला चाकूने पाठीवर व पोटावर वार करून सोनाली कोळी या महिलेचा खून केला. तसेच दोघांचे भांडण सुरू असताना विनोद सुभाष कुंभार (वय -२८) हा भांडण सोडवण्यासाठी आला असता. त्याच्या हातावर देखील वार करून तो “आमच्या मधात येऊ नकोस नाहीतर तुला ठार मारून टाकेल” असा दम दिला. दरम्यान ही घटना घडल्यानंतर साकेगाव परिसरामध्ये खळबळ उडाली आहे.
या घटनेची माहिती मिळाल्यानंतर भुसावळ तालुका पोलीस ठाण्याचे पोलीस निरीक्षक महेश गायकवाड आणि पथक घटनांसाठी दाखल झाले. मृतदेहाचा पंचनामा करून भुसावळ येथील ट्रॉमा केअर सेंटर येथे रवाना करण्यात आला. गुरुवारी २६ सप्टेंबर रोजी पहाटे ४ वाजता संशयित आरोपी सागर रमेश (वय-२८) राहणार साकेगाव याच्या विरोधात भुसावळ तालुका पोलीस ठाण्यात गुन्हा दाखल करण्यात आला असून त्याला अटक करण्यात आली आहे.
