मुंबई (वृत्तसंस्था) राज्यातील सर्व सुपर मार्केटमध्ये (Super Market) आता वाईनची (Wine) विक्री करण्यास परवानगी देण्यात आली आहे. आज झालेल्या मंत्रिमंडळाच्या बैठकीत याबाबत निर्णय घेण्यात आला. दुकानातच वाईन विक्री करता येणार असल्याची माहिती राज्याचे अल्पसंख्याक मंत्री नवाब मलिक (Nawab Malik) यांनी दिली
दुकानांना वाईन विकण्यासाठी परवानगी देण्यात आली आहे. शेतकऱ्यांचा फळ उत्पादनावर वायनरीज चालते. त्यांच्या उत्पादनांना चालना देण्यासाठी नवीन पॉलिसी ठरविण्यात आली आहे. एक हजार फुटापेक्षा कमी क्षेत्रफळ असलेल्या दुकानांना वाईन विकण्याची परवानगी मिळणार नाही. जे सुपर मार्केट आहे त्यांना एक सो-केश निर्माण करुन वाईन विकण्यास परवानगी देण्याचा निर्णय घेण्यात आला आहे. खरंतर राज्याचा महसूल वाढविण्यासाठी राज्य सरकारने हा निर्णय घेतल्याची माहिती सूत्रांनी दिली आहे.
धोरण अंमलात आलं तर…
आतापर्यंत केवळ वायनरीमध्येच उघडता येत असलेली वाइनची रिटेल आउटलेट आता स्वतंत्रपणेही सुरू करता यावीत, असाही प्रस्ताव या धोरणात ठेवण्यात आला होता. हे धोरण अंमलात आलं, तर डिपार्टमेंटल स्टोअर्स, तसंच सुपरमार्केट्समध्येही स्वतंत्र विभाग करून वाईनची विक्री करता येणं शक्य होणार आहे.
वाईनची विक्री किती?
२०२०-२१ची आकडेवारी पाहिली, तर देशात उत्पादित झालेल्या परदेशी मद्याची विक्री २०० दशलक्ष लिटर एवढी झाली. देशी दारूची विक्री ३२० दशलक्ष लिटर, बीअरची 30 कोटी लिटर, तर वाईनची केवळ सात लाख लिटर एवढीच विक्री झाली.
