नवी दिल्ली (वृत्तसंस्था) २०२४ च्या लोकसभा आणि विधानसभा सार्वत्रिक निवडणुकांचे वेळापत्रक जाहीर करण्यासाठी निवडणूक आयोगाची पत्रकार परिषद उद्या, १६ मार्च रोजी दुपारी ३ वाजता होणार आहे.
निवडणूक आयोग शनिवारी, 16 मार्च रोजी पत्रकार परिषद घेणार आहे. दुपारी 3 वाजता ही पत्रकार परिषद होणार असून ती ECI च्या सोशल मीडिया प्लॅटफॉर्मवरून थेट प्रक्षेपित केली जाईल. देशभरातील निवडणुका किती टप्प्यात पार पडणार, कुठल्या राज्यात कधी मतदान होणार, कुठल्या दिवशी निवडणुकांचा निकाल जाहीर होणार, याकडे सर्वांच्या नजरा लागून राहिल्या आहेत. देशात सात टप्प्यात लोकसभांचे मतदान होण्याची शक्यता वर्तवली जात आहे. निवडणूक आयोग यंदा मतदान आणि निवडणूक प्रक्रियेबाबत काही नाविन्यपूर्ण घोषणा करणार का, याचीही उत्सुकता लागून राहिली आहे.
