जळगाव (प्रतिनिधी) बदली झाल्यापासून आपल्या नवीन नियुक्तीच्या प्रतीक्षेत असलेले जळगावचे मावळते पोलीस अधीक्षक यांना मुंबई शहराचे नवीन पोलीस उप-आयुक्त म्हणून नियुक्ती मिळाली आहे. तर दुसरीकडे जळगाव विभागाचे डीवायएसपी कुमार चिंता यांची अपर पोलीस अधीक्षक गडचिरोली येथे बदली आहे. तर दुसरीकडे पुणे आर्थिक गुन्हे शाखेच्या पोलीस उप-आयुक्त भाग्यश्री नवटके यांची चंद्रपूर राज्य राखीव पोलीस दलाच्या समादेशकपदी बदली झाली आहे.
मुख्यमंत्री एकनाथ शिंदे यांचं सरकार स्थापन झाल्यानंतर राज्य सरकारनं दिवाळीपूर्वीचं पोलीस अधिकाऱ्यांच्या बदल्यांचा शासन निर्णय जाहीर केला होता. त्यानुसार पोलीस अधिकाऱ्यांच्या मोठ्या प्रमाणावर बदल्या करण्यात आल्या होत्या. या निर्णयानुसार ४३ अधिकाऱ्यांच्या बदल्या करण्यात आल्या होत्या. गेल्या काही दिवसांपासून उर्वरित पोलीस अधिकाऱ्यांच्या बदल्या होणार अशा चर्चा सुरु होती. अखेर आज पोलीस अधिकाऱ्यांच्या बदल्यांचा शासन निर्णय गृह विभागाकडून जारी करण्यात आला आहे. त्यानुसार जळगावचे मावळते पोलीस अधीक्षक यांना मुंबई शहराचे नवीन पोलीस उप-आयुक्त म्हणून नियुक्ती मिळाली आहे. तर दुसरीकडे जळगाव विभागाचे डीवायएसपी कुमार चिंता यांची अपर पोलीस अधीक्षक गडचिरोली येथे बदली आहे. तर दुसरीकडे पुणे आर्थिक गुन्हे शाखेच्या पोलीस उप-आयुक्त भाग्यश्री नवटके यांची चंद्रपूर राज्य राखीव पोलीस दलाच्या समादेशकपदी बदली झाली आहे. यांच्यासोबत राज्यातील अनेक अधिकाऱ्यांच्या बदल्या झाल्या आहेत.
