जळगाव (प्रतिनिधी) जिल्हा बँक निवडणुकीचा निकाल आता अंतिम टप्प्यात आला असून हायप्रोफाईल ठरलेल्या सहा जागांवर महाविकास आघाडीचे सर्व दिग्गज उमेदवार विजयी झाले आहेत.
सर्वप्रथम चोपडा वि.का.सोसायटीतून घनशाम अग्रवाल तर रावेर विकासो मतदार संघात जनाबाई गोडू महाजन यांनी विजय मिळविला होता. त्यानंतर आमदार संजय सावकारे आणि शामकांत सोनवणे हे विजयी झाले होते. तर आता सहा जागांवर महाविकास आघाडीच्या उमेदवारांनी विजय मिळवला आहे. त्यात माजी पालकमंत्री गुलाबराव देवकर, माजी पालकमंत्री डॉ.सतीश पाटील, रोहिणीताई खडसे, शैलजाताई निकम, मेहताब सिंग नाईक यांचा समावेश आहे. या उमेदवारांनी घेतलेल्या आघाडीवरूनच या सर्वांचा विजय निश्चीत मानला जात होता. दरम्यान, जिल्हा बँक निवडणुकीत सहकार पॅनलच्या सर्वच्या सर्व म्हणजे आठ जागा निवडून आल्या आहेत. यामुळे जिल्हा बँकेत २१ पैकी तब्बल २० जागा हा महाविकास आघाडीने पटकावल्या आहेत. रोहिणीताई खडसे यांनी हा विजय सर्वांच्या सहकार्याने साकार झाल्याचे म्हटले आहे.
