नवी दिल्ली (वृत्तसंस्था) दिल्लीमध्ये घातपाताचा मोठा कट उधळण्यात पोलिसांना यश आले आहे. दिल्ली पोलिसांचे विशेष पथक आणि दहशतवाद्यांमध्ये चकमक झाल्याची माहिती समोर आली आहे. लक्ष्मी नगरच्या शकरपुर परिसरात कारवाई करत पोलिसांनी पाच जणांना अटक केली आहे. तसेच पोलिसांनी यावेळी मोठ्या प्रमाणात शस्त्र आणि इतर साठा जप्त केला आहे.
दिल्ली पोलिसांच्या विशेष पथकाने कारवाई करत पाचही दहशतवाद्यांना अटक केली आहे. दिल्लीमधील शकरपूर परिसरात झालेल्या चकमकीनंतर अटकेची कारवाई करण्यात आली. पोलिसांनी यावेळी मोठ्या प्रमाणात शस्त्र आणि इतर सामग्री जप्त केली आहे. हे सर्व दहशतवादी इस्लामिक आणि खलिस्तानी संघटनांशी संबंधित असल्याचे सांगितले जात आहे. विशेष पथकाचे डीसीपी प्रमोद कुशवाहा यांनी दिलेल्या माहितीनुसार, दिल्लीमधील शकरपुर परिसरात झालेल्या गोळीबारानंतर पाच जणांना अटक करण्यात आली आहे. यामधील दोन जण पंजाब तर तीन जण कश्मीरच्या आहेत. शस्त्र तसेच इतर साहित्य देखील जप्त करण्यात आला आहे. या सर्व दहशतवाद्यांना आयएसआयचा पाठिंबा होता. अशी माहिती दिल्ली पोलिसांनी दिली आहे.
