मुंबई (वृत्तसंस्था) नव वर्ष आता अगदी तोंडावर आला आहे. नवे संकल्प, नवी ध्येय नक्कीच खुणावत असतील. त्यात अनेकांना चांगल्या भविष्यासाठी आर्थिक नियोजन करणे आवडते. तुम्ही गुंतवणूकदार असाल, तर येथे आम्ही तुम्हाला नवीन वर्षात गुंतवणूक करण्यासाठी काही उत्तम पर्यायांबद्दल सांगणार आहोत. शेअर बाजाराने चांगली कामगिरी केली आहे.(Investment tips for new year) अनेक शेअर्सनी उत्तम परतावा दिला आहे. म्युच्युअल फंडांनीही चांगला परतावा दिला आहे.
स्टॉक्
पुढील वर्षी शेअर बाजार अस्थिर राहण्याची अपेक्षा आहे. बेंचमार्क BSE सेन्सेक्स या वर्षी २० टक्क्यांनी वाढला. यूएस फेडरल बँकेने इझी मनी पॉलिसी रद्द केल्याने आणि व्याजदर वाढवल्यामुळे, परदेशी फंड व्यवस्थापक कमी जोखमीच्या मालमत्तेकडे जाऊ शकतात. त्यामुळे रुपयाची घसरण होऊ शकते. ओमिक्रॉनचा उद्रेक वाढल्याने बाजारातील भावावर परिणाम होऊ शकतो. अशा परिस्थितीत, ब्लू-चिप आणि लार्ज कॅप स्टॉकमध्ये राहणे फायदेशीर आहे.
बॉन्ड्स
व्याजदर वाढल्यास, गुंतवणूकदार जास्त परतावा आणि जास्त व्याजासाठी बाँडकडे वळू शकतात. यावर्षी १० वर्षांच्या मुदतीच्या बॉन्ड्स वर ६.५ टक्के व्याजदर आहे. तज्ज्ञांचे म्हणणे आहे की नुकसान टाळण्यासाठी कमी मुदतीच्या बॉण्ड्सकडे जाता येते. मात्र, व्यापाऱ्यांसाठी बाजारात अस्थिरता असेल आणि त्यांना नफा कमावण्याची चांगली संधी असेल.
सोने
शेअर बाजारातील चलनवाढ आणि अस्थिरतेविरुद्ध सोन्याकडे अपेक्षेने पाहिले जाते. पण २०२१ मध्ये सोन्याने -५ टक्के परतावा दिला आहे. २०२२ मध्ये शेअर्समधील चलनवाढ आणि अस्थिरता वाढण्याची अपेक्षा आहे. असे झाल्यास सोन्याचे भाव वाढतील. दुसरीकडे, अमेरिकेत दर वाढल्यास डॉलर मजबूत होईल. याचा सोन्यावर परिणाम होऊ शकतो. कमजोर रूपया आणि महागाई सोन्यासाठी वरदान ठरू शकते. गेल्या वर्षी ऑगस्टमध्ये सोन्याचा भाव ५६००० रुपये प्रति १० ग्रॅमच्या वर पोहोचला होता. नवीन वर्षात ती नवीन पातळी गाठू शकते.
म्युचुअल फंड्स
एनजीएन मार्केट्सच्या मते, कमी कालावधीच्या म्युच्युअल फंडांनी २०२१ मध्ये ४.८ टक्के परतावा दिला, तर कंजरवेटिव हाइब्रिडसाठी ते ८.६ टक्के होते. लार्ज कॅप म्युच्युअल फंडांनी २६ टक्के दराने परतावा दिला. तज्ञ म्हणतात की लार्ज कॅप आणि फ्लेक्सिकॅप फंडांमध्ये देखील राहावे. स्थिर उत्पन्न आणि इक्विटी मार्केटमध्ये प्रचंड अस्थिरता येण्याची शक्यता आहे.
क्रिप्टो
भारतासह जगभरात क्रिप्टोकरन्सीमध्ये गुंतवणूकदारांची आवड वाढत आहे. भारतासह अनेक देशांनी अद्याप मान्यता दिलेली नाही. अनेक मध्यवर्ती बँका त्यांच्या स्वत:ची डिजिटल चलने सुरु करत आहेत. २०२२ हे वर्ष वर्चुअल करेंसीजसाठी महत्त्वाचे ठरू शकते. मात्र नवीन वर्षातही हे प्रचंड चढउतार कायम राहू शकतात. या वर्षी अनेक क्रिप्टोकरन्सींनी ५१,००० टक्क्यांपर्यंत परतावा दिला आहे. दुसरीकडे, जगातील सर्वात लोकप्रिय क्रिप्टोकरन्सी असलेल्या बिटकॉइनने यावर्षी ७५ टक्के परतावा दिला आहे.
