अमळनेर (प्रतिनिधी) शहरातील तांडेपूरा मंगल नगर वैदू वाड्याच्या मागे एका घरातून २५ हजारांची रोकड लंपास झाल्याची घटना घडली आहे. याप्रकरणी अमळनेर पोलीस ठाण्यात सुनिल दगडू गव्हाने याच्यासह एका अनोळखी व्यक्तीविरुद्ध गुन्हा दाखल करण्यात आला आहे. तर संशयित सुनील गव्हाने याला अटक करण्यात आली आहे.
यासंदर्भात संजय प्रभाकर सैंदाणे (वय ३०, तांडेपूरा मंगल नगर वैदू वाड्याच्या मागे अमळनेर) यांनी दिलेल्या फिर्यादीनुसार, सुनिल दगळु गव्हाने व इतर साथीदारने दि. २० एप्रिल २०२२ रोजी रात्री १.३० ते दि. २० एप्रिल २०२२ चे १.४० वाजेच्या दरम्यान त्यांच्या घराचे दरवाज्याचे कडीकोंडा व कुलुप तोडुन आत प्रवेश करून २५ हजार रुपयाची चोरी केली. याप्रकरणी अमळनेर पोलीस ठाण्यात सुनिल दगडू गव्हाने याच्यासह एका अनोळखी व्यक्तीविरुद्ध गुन्हा दाखल करण्यात आला असून गव्हाने याला अटक करण्यात आली आहे. तर पुढील तपास पोहेकॉ सुनिल राजाराम पाटील करीत हे आहेत.
