अडावद (प्रतिनिधी) चोपडा तालुक्यातील पंचक गावातील एका घरातुन चोरटयाने सुमारे ४४ हजारांचा ऐवज लांबविल्याची घटना उघडकीस आली आहे. याप्रकरणी अडावद पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात अजय गुलाबराव महाले (रा. पंचक ता. चोपडा) यांनी दिलेल्या फिर्यादीनुसार, दि. १४ मार्च २०२२ रोजी अज्ञात चोरटयाने अजय महाले यांच्या घरात खिडकीच्या आसाऱ्या शिंगाडे ने वाकवून आत प्रवेश करून ३० हजार रुपये रोख रक्कम, १५ भार चांदीचे शिक्के, ५ भार चांदीची लक्ष्मीची मूर्ती, असा एकूण ४४ हजार रुपये किंमतीचा ऐवज व रोख रक्कम लबाडीने चोरुन नेला. याप्रकरणी अडावद पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोहेकॉ सुनिल तायडे करीत आहेत.
