जळगाव (प्रतिनिधी) शहरातील ओमशांती नगरातील एका घरातून अज्ञात चोरट्याने सोन्या चांदीच्या दागिन्यांसह साडया चोरी केल्याचा प्रकार समोर आला आहे. याप्रकरणी रामानंदनगर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात जयेश राजाराम सोनवणे (वय ३०, रा. प्लॉट नं ६, गट नं ९/२/१ अ ओमशांती नगर गुजराल पेट्रोल पंपासमोर, जळगाव) यांनी दिलेल्या फिर्यादीनुसार, दि. १२ एप्रिल २०२२ रोजी अज्ञात चोरटयांनी फिर्यादीच्या घराच्या मुख्य दरवाज्याचे कुलुप तोडुन घरात प्रवेश करुन ९० हजार किंमतीचे सोन्या चांदीचे दागीने व २ हजार ५०० रुपये किंमतीच्या साड्या घरफोडी करुन चोरुन नेले. याप्रकरणी रामानंदनगर पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोलीस उपनिरीक्षक गोपाल कडुबा देशमुख हे करीत आहेत.
