जळगाव (प्रतिनिधी) मैत्री करण्याच्या बहाण्याने बोलावून नंतर जबरदस्तीने शारीरिक संबंध प्रस्थापित करण्याचा अश्लिल व्हिडीओ तयार करुन चालकाकडून ६५ हजाराचा ऐवज लुटल्याची खळबळजनक घटना नुकतीच उघडकीस आली आहे. याप्रकरणी जळगाव शहर पोलिसात चौघांविरुद्ध गुन्हा दाखल करण्यात आला आहे. संशयित आरोपींमध्ये दोन महिलांसह दोन तरुणांचा समावेश आहे.
जळगाव शहरातील तहसील कार्यालय परिसरात एका इमारतीत असलेल्या एका फ्लॅटमधे एका महिलेने एका वाहन चालकास मैत्री करण्याच्या बहाण्याने बोलावले. चालक इमारतीत संबंधित महिलेला भेटण्यास गेला. त्या ठिकाणी अगोदरच एक महिला व तिच्यासोबत दोन पुरुष साथीदार हजर होते. तिघांनी संगनमत करत त्या वाहनचालकाला मारहाण करत त्या महिलेसोबत सेक्स करतानाचा व्हिडीओ तयार करण्यात आला. त्या व्हिडीओच्या बळावर नंतर त्याला ब्लॅकमेल करण्यात आले.
तसेच चौघांनी मिळून चालकाकडून 65 हजार रुपये किंमतीचे दागिने, मोबाईल व रोकड असा एकूण ६५ ऐवज काढून घेण्यात आला. ब्लॅकमेलिंग करणारे एवढ्यावरच थांबले नाहीत तर त्यांनी तयार करण्यात आलेला अश्लिल व्हिडीओ नातेवाईकांकडे पाठवण्याची धमकी देत चालकाकडून अजून पन्नास हजार रुपयांची खंडणी मागितली. ती वसुल करण्यासाठी त्याला आव्हाणा शिवारात एका जागी नेण्यात आले होते. या घटने प्रकरणी दाखल गुन्ह्याचा पुढील तपास स.पो.नि. किशोर पवार करत आहेत.
