जळगाव (प्रतिनिधी) विधानसभा निवडणुकीच्या पार्श्वभूमीवर शहरात नाकाबंदी केली जात आहे. या नाकाबंदीमध्ये तहसील कार्यालयाच्या परिसरातील वाहनांची तपासणी करण्यात आली. यावेळी दोन वाहनांमधून २ लाख २३ हजारांची रोकड तर बहीणाबाई चौकात ८५ हजारांची रोकड जप्त करण्यात आली आहे.
पोलीस निरीक्षक कल्याणी वर्मा, पोलीस उपनिरीक्षक महेश घायतड, राजू जाधव यांच्यासह पोलीस कर्मचाऱ्यांच्या मदतीने नाकाबंदी करण्यात आली. यावेळी तहसील कार्यालय परिसरातून जात असलेल्या सफेद रंगाच्या क्रेटा कारची तपासणी करण्यात आली. यावेळी कुकरेजा नामक व्यक्तीकडून १ लाख ८८ हजार रुपये तर सायंकाळच्या कारवाईमध्ये जोहर खाटीक (रा. मेहरुण) याच्या कारची तपासणी केली. यावेळी त्याच्या खिशातून १ लाख ३५ हजारांची रोकड जप्त केली. ती वाहने आणि रोकड निवडणुक विभत्तगाचे एसएसटी पथकाकडे जमा करण्यात आली.
बहिणाबाई चौकात पकडली ८५ हजारांची रोकड !
शहरातील बहिणाबाई चौकात जिल्हापेठ पोलिसांकडून नाकाबंदी करण्यात आली होती. यावेळी स्वातंत्र्य चौकाकडून अग्रवाल चौफुलीकडे जात असलेल्या चारचाकी वाहनाची तपासणी करण्यात आली. यावेळी कारमधील एका इसमाकडे ८५ हजारांची रोकड मिळून आली. ती रोकड जप्त करण्यात आली आहे.
