जळगाव (प्रतिनिधी) तालुक्यातील कानळदा येथील आदर्श विद्यालय व कनिष्ठ महाविद्यालयाच्या आवारातून ७ हजार रूपये किंमतीचे सीसीटीव्ही कॅमेऱ्यांची चोरी करून नेल्याची घटना गुरूवारी २६ सप्टेंबर रोजी सकाळी ७ वाजता उघडकीला आले आहे. याप्रकरणी सायंकाळी ५ वाजता जळगाव तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
तालुक्यातील कानळदा येथील आदर्श विद्यालयात लावण्यात आलेल्या सीसीटीव्ही कॅमेरांपैकी खालील व्हरांड्यातील दोन, वरील व्हराड्यांतील दोन व विज्ञान हॉलमधील एक असे एकूण पाच सीसीटीव्ही कॅमेरा चोरट्यांनी चोरून नेले. ही घटना गुरूवारी २६ सप्टेंबर रोजी सकाळी ७ वाजता उघडकीला आले आहे. हा प्रकार लक्षात आल्यानंतर प्राचार्य रवींद्र पाटील (वय-५६) यांनी तालुका पोलिस ठाण्यात फिर्याद दिली. त्यावरून सायंकाळी ५ वाजता अज्ञात चोरट्याविरुद्ध गुन्हा दाखल करण्यात आला आहे. पुढील तपास पोहेकॉ दिनेश पाटील करीत आहेत.
