चाळीसगाव (प्रतिनिधी) पत्नीच्या चारित्र्यावर संशय घेऊन पतीने दगडाने ठेचून निघृणपणे हत्या केल्याची थरारक घटना चाळीसगाव शहरातील पिर मुसा कादरी बाबा दर्ग्या येथे घडली. याप्रकरणी चाळीसगाव पोलीस ठाण्यात गुन्हा दाखल करत आरोपीला पोलिसांनी ताब्यात घेतले आहे. मयताचे नाव मायाबाई भुरा सोनवणे असे आहे.
यासंदर्भात अधिक असे की, औरंगाबाद जिल्ह्यातील सोयगाव येथील प्रकाश उर्फ भुरा सोनवणे हे आपल्या पत्नीच्या पोटात दुखत असल्याने चाळीसगाव शहरातील पिर मुसा कादरी बाबा दर्गा येथे आलेले असताना चारित्र्यावर संशय घेऊन सोनवणे यांनी दगडाने ठेचून पत्नीचा निघृणपणे हत्या केली. मायाबाई प्रकाश उर्फ भुरा सोनवणे (वय ४०) असे मृत झालेल्या विवाहितेचा नाव आहे. हि धक्कादायक घटना २६ फेब्रुवारी रोजी रात्री ११ ते १२ वाजताच्या सुमारास शहरातील पिर मुसा कादरी बाबा दर्गा परिसरात घडली. याप्रकरणी शहर पोलिसांनी आरोपी प्रकाश उर्फ भुरा सोनवणे याला ताब्यात घेतले आहे. गं.भा. भारतीबाई गायकवाड यांच्या फिर्यादीवरून चाळीसगाव शहर पोलिस स्थानकात भादवी कलम ३०२ प्रमाणे गुन्हा दाखल करण्यात आले आहे. पोलिस निरीक्षक के. के. पाटील यांच्या मार्गदर्शनाखाली पुढील तपास सपोनि दिपक बिरारी हे करीत आहेत.
