चंदीगड (वृत्तसंस्था) काँग्रेस नेते चरणजीत सिंह चन्नी यांनी आज पंजाबच्या मुख्यमंत्रीपदाची शपथ घेतली. विशेष म्हणजे, पंजाबच्या मुख्यमंत्रीपदापर्यंत पोहचणारे चरणजीत सिंह चन्नी हे अनुसूचित जातीतील पहिलेच मुख्यमंत्री ठरले आहेत.
या कार्यक्रमात काँग्रेसचे माझी अध्यक्ष आणि खासदार राहुल गांधी हेदेखील सहभागी झाले. सोबतच, नवज्योत सिंह सिद्धू आणि पंजाब काँग्रेसचे अनेक नेते या कार्यक्रमासाठी राजभवनात उपस्थित होते. चन्नी हे चमकौर साहिब विधानसभा मतदारसंघाचे काँग्रेसचे आमदार आहेत. पंजाबच्या मुख्यमंत्रीपदापर्यंत पोहचणारे चरणजीत सिंह चन्नी हे अनुसूचित जातीतील पहिलेच मुख्यमंत्री ठरत आहेत. तसंच राज्यातील सर्वात कमी वयाचे मुख्यमंत्री बनण्याचा मानही त्यांना मिळाला आहे. आगामी निवडणुकीत काँग्रेस प्रदेशाध्यक्ष नवज्योत सिंह सिद्धू यांच्या नेतृत्वाखाली लढल्या जातील, या पंजाब काँग्रेसचे प्रभारी हरीश रावत यांच्या वक्तव्यावर काँग्रेस नेते सुनील जाखड यांनी आक्षेप घेत आपली नाराजी स्पष्टपणे व्यक्त केली आहे. दरम्यान, सिद्धू कॅम्पमध्ये दलित मुख्यमंत्री बनवण्याबाबत चर्चा झाली. सिद्धूंनी चन्नी यांच्या नावाला पाठिंबा देण्यामागे एक विशेष कारण आहे. वास्तविक, सिद्धू यांना एक असा मुख्यमंत्री हवा आहे, जो त्यांचे म्हणणे ऐकेल, पण सुखजींदर रंधावांचा स्वभाव तसा नाही. यामुळेच आता या नव्या चन्नी सरकारचा रिमोट हा सिद्धूंच्याच हातात असणार असल्याच्या चर्चा सुरू झाल्या आहेत.
