भुसावळ (प्रतिनिधी) येथील एमआयडीसी परीसरात असलेल्या केमिकल फॅक्टरीला भीषण आग लागली आणि या आगीत संपूर्ण फॅक्टरी जळून खाक झाली आहे. ही घटना आज सकाळी ११ वाजेच्या सुमारास घडली आहे.
भुसावळ शहरापासून जवळच असलेल्या खडका एमआयडीसी परिसरात केमिकल फॅक्टरी आहे. या फॅक्‍टरीतून सकाळी अचानक मोठ्या प्रमाणत धुराचे लोट बाहेर पडू लागले. यावेळी परिसरातील नागरिकांनी लागलीच धाव घेऊन अग्नीशमन दलास माहिती दिली. यानंतर दीपनगर व भुसावळ नगरपालिकेच्या अग्नीशमन दलाच्या पथकाने घटनास्थळी धाव घेतली.
मिळालेल्या माहितीनुसार, रेल नीर प्रकल्पाजवळील एफ- २१ येथे केमिकल बनवणारी फॅक्टरी असून ती जळगावातील व्यापारी मयूर भोळे यांची असल्याचे समजते. आगीत लाखो रुपयांचे नुकसान झाल्याची माहिती आहे.
