जळगाव (प्रतिनिधी) चिमुकल्या मुलींनी साडी, चोळी, अलंकार तर मुलांनी धोती, कुर्ता, डोक्यावर टोपी आणि कपाळावर टिक्‍का लावत विठ्ठल, रुखमाईची वेशभूषा साकारत टाळ, चिपळ्यांचा ठेका धरला कांदा मुळा भाजी अवघी विठाबाई माझी… बोलावा विठ्ठल.. लिहावा विठ्ठल असे म्हणत ऑनलाईनद्वारे आषाढी एकादशी उत्साहात साजरी केली. पावसाच्या हलक्या सरी आणि विद्यार्थ्यांचा वारकरी पेहरावाने अध्यात्मिक वातावरणाची निर्मिती झाली.
गोदावरी इंग्लिश मिडीयम स्कूल येथे ऑनलाईन आषाढी एकादशी साजरी करण्यात आली. आषाढी एकदाशीचे महत्व काय याबाबत विद्यार्थ्यांना माहिती देण्यात आली. संस्कारक्षम पिढी निर्माण व्हावी याउद्देशाने कार्यक्रमाचे आयोजन करण्यात आले होते. याप्रसंगी विद्यार्थ्यांचे संताचे अभंग, भक्‍तीगीत, विठ्ठल नामाचा गजर केला. आषाढी एकादशीनिमित्‍त आयोजित कार्यक्रमासाठी प्राचार्य निलीमा चौधरी यांनी मार्गदर्शन केले. यावेळी शिक्षक वृंद उपस्थीत होते. पसायदानाने कार्यक्रमाची सांगता झाली.
