चोपडा (प्रतिनिधी) चारित्र्याच्या संशयातून पतीने पत्नीचा वखरणीच्या पात्याने जबर मारहाण करून खून (Wife Murder) केल्याची धक्कादायक घटना घडली आहे. या घटनेनंतर आरोपी पती ग्यानसिंग बारेला (पूर्ण नाव माहित नाही, रा. सोनखेडी ता. वराला,जि. बडवाणी) हा फरार झाला आहे.
या संदर्भात अधिक असे की, ग्यानसिंग बारेला हा आपल्या पत्नी लीलाबाई ग्यानसिंग बारेला (वय २५, ह.मु.गोरगावले शिवार,ता.चोपडा) सह कठोरा शिवारातील डॉ.संजय वामन पाटील यांच्या शेतातील झोपडीत राहत होता. २७ जुलै रोजी रात्री ८:३० वाजेच्या सुमारास ग्यानसिंग याने पत्नी लिलाबाईच्या चारित्र्यावर संशय घेत मारहाण केली. चारित्राच्या संशयाच्या वादातून दोघं पती-पत्नीमध्ये चांगलच भांडण झाले. यानंतर ग्यानसिंग याने रागाच्या भरात पत्नी लिलाबाईच्या डाव्याकानावर व कानाच्या मागे लोखंडी पाते असलेली शेत कोळपणी ( वखरणी) करण्याच्या लोखंडी पात्याने मारुन जबर दुखापत केली.या मारहाणीत लीलाबाईचा मयत झाली. चोपडा ग्रामीण पोलिसांनी टेंबऱ्या मन्साराम बारेला यांच्या फिर्यादीवरून ग्यानसिंग बारेलाविरुद्ध खुनाचा गुन्हा दाखल केला आहे. दरम्यान, आरोपी पती घटनेनंतर फरार झाला असून पुढील तपास सहा. पोलीस अधिक्षक. ऋशिकेश रावले हे करीत आहेत.
