जळगाव (प्रतिनिधी) शहरातील बळीराम पेठ भागातील एस.एस.डी रेडीमेड कापडाचे दुकानातून अज्ञात चोरट्याने ४४ हजाराचा मुद्देमाल चोरी केल्याचा प्रकार समोर आला आहे. याप्रकरणी जळगाव शहर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात वासुदेव दखीनमल बजाज (वय ५९, रा. समाधा कंपाउंड, सिंधी कॉलनी जळगाव) यांनी दिलेल्या फिर्यादीनुसार, अज्ञात चोरटयाने जळगाव शहरातील बळीराम पेठ भागातील रेडीमेड कापडाचे दुकान हे दि. १० मार्च २०२२ रोजी रात्री ०८.३० वाजता वासुदेव बजाज हे दुकान बंद करुन निघुन गेले. यानंतर दुकानाला लावलेले दोन्ही पितळाचे कुलुप डुप्लिकेट चाबीच्या साहाय्याने उघडुन दुकानात आत प्रवेश केला. यानंतर अज्ञात चोरटयाने अटीवा कंपनीचा लॅपटॉप, ४ हजार रुपये रोख रक्कम, २५ हजार रुपये किंमतीचे ५० नग वेगवेगळ्या साईजचे सिंग कंपनीचे जीन्स पँटचे लेबल लावलेले, असा एकूण ४४ हजाराचा मुद्देमाल चोरून नेला. याप्रकरणी जळगाव शहर पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. तसेच पुढील तपास पोहेकाँ विजय निकुंभ करीत आहेत.
