यावल (प्रतिनिधी) तालुक्यात कोरपावली ग्रामपंचायत सरपंचपदी काँग्रेस सेवा फाउंडेशनचे जिल्हा मीडियाप्रमुख विलास नारायण अडकमोल यांची बिनविरोध निवड करण्यात आली. तर उपसपंचपदी काँग्रेस सेवा फाउंडेशनचे जिल्हाध्यक्ष जलील पटेल यांच्या काकू हमीदाबी पिरण पटेल यांची निवड करण्यात आली.
काँग्रेसच्या हमीदाबी पिरण पटेल यांना ६ तर प्रतिस्पर्धी दीपक चुडामण नेहेते यांना ५ मते मिळाली. म्हणून निवडणूक निर्णय अधिकारी पी. आर. कोळी यांनी काँग्रेसच्या हमीदाबी पटेल यांना १ मताने विजयी घोषित केले. यावेळी ग्रामपंचायत सदस्य सत्तार तडवी, आरिफ तडवी, ग्रामसदस्या हफशान तडवी, हुरमत तडवी, दीपक नेहेते, कविता कोळंबे, भारती नेहेते, सपना जावळे, आफरोज पटेल सर्व ११ सदस्य उपस्थित होते. ग्रामसेवक प्रवीण सपकाळे यांनी सहकार्य केले.
यावेळी नवनिर्वाचित सरपंच उपसरपंच यांचा पॅनल प्रमुख पिरण पटेल, बारसु नेहेते, नारायण अडकमोल, जिल्हाध्यक्ष जलील पटेल, मुक्तार पटेल, इस्माईल तडवी, प्रेमचंद महाले, संदीप नेहेते, शांताराम महाजन, अजित तडवी, अब्दुल तडवी ,उमेश जावळे, इकबाल मेंबर, गफ्फार मेंबर, सिकंदर तडवी, मुकदर तडवी, मुज्जफर पटेल, कय्युम पटेल, महंमद पटेल, जावेद पटेल, सुनील अडकमोल, भीमराव इंधटे, विनोद अडकमोल, भैय्या अडकमोल उपस्थित होते.
पोलीस निरीक्षक सुधीर पाटील सहित सुशील घुगे, अस्लम खानसह पोलीस कर्मचाऱ्यांनी चोख बंदोबस्त ठेवला. त्यांच्या या निवडीबद्दल काँग्रेसचे जिल्हाध्यक्ष ऍड. संदीपभैय्या पाटील, आमदार शिरीष चौधरी, जि प गटनेते आप्पासाहेब प्रभाकर सोनवणे, अजबराव पाटील, हाजी शब्बीरसेठ, युवानेते संदीपभैय्या सोनवणे आदींनी अभिनंदन केले.
