अमळनेर(प्रतिनिधी) येथील त्रिमूर्ती न्युज समुहातर्फ़े संविधान दिन साजरा करून संविधान निर्माते महामानव डॉ.बाबासाहेब आंबेडकर यांना अभिवादन करण्याचा कार्यक्रम उत्साहात पार पडला.
डॉ.बाबासाहेब आंबेडकरांनी २६ नोव्हेंबर १९४९ रोजी राज्यघटना देशाला अर्पण केली . त्यानंतर दोन महिन्यांनी २६ जानेवारी १९५० पासून या घटनेची अंमलबजावणी सुरू झाली. आणि तेव्हापासून खऱ्या अर्थाने देशामध्ये लोकशाही प्रस्थापित झाली . म्हणूनच त्याचे उत्तरदायित्व म्हणून २६ नोव्हेंबर हा दिवस देशभरात संविधान दिन म्हणून साजरा करण्यास सुरुवात झाली आहे. यानिमित्ताने तहसीलदार मिलिंदकुमार वाघ यांच्या हस्ते संविधान प्रास्ताविकेला व डॉ. बाबासाहेब आंबेडकर यांच्या प्रतिमेला पुष्पहार अर्पण करण्यात आले.
या कार्यक्रमाचे आयोजन संजय मरसाळे(संपादक-खान्देश व्हिजन),सुरेश कांबळे(संपादक-दिव्य खान्देश),समाधान मैराळे(संपादक-दिव्य लोकतंत्र) यांनी केले होते. याप्रसंगी सुभाष पाटील(काँग्रेस),पन्नालाल मावळे, बाळासाहेब संदानशिव, पंकज चौधरी, पो.ना.डॉ.शरद पाटील, अमोल माळी, शिवाजी महाजन, अबू महाजन, भरत पवार, बाळासाहेब सोनवणे, प्रविण बैसाणे, आदी उपस्थित होते.
