चाळीसगाव (प्रतिनिधी) गेल्या ३ वर्षांपासून पुरातत्त्व विभागाच्या कायद्यामुळे पाटणादेवी येथे डोंगरी नदीवर पूल उभा राहू शकला नाही. दि. १५ पासून शारदीय नवरात्रोत्सवाच्या पार्श्वभूमीवर भाविकांच्या सोयीसाठी आमदार मंगेश चव्हाण यांनी पुढाकार घेत तात्पुरता पूल उभारणीच्या कामाला गुरुवारी सुरुवात केली आहे.
गेल्या ३ वर्षांपासून पुरातत्व विभागाच्या कायद्याच्या कचाट्यात अडकलेल्या आदिशक्ती पाटणादेवी (चंडीकादेवी) मंदिराजवळील डोंगरी नदीवरील पुलाच्या कामाला या नवरात्र उत्सवात देखील मुहूर्त लागला नाही. या पुलासाठी पाटणा ग्रामस्थांनी जलसमाधी आंदोलन देखील पुकारले होते. तेव्हा वाळूच्या गोण्या टाकून नदीपात्रातून जाण्यासाठी सोय करण्यात येत होती. त्यामुळे यावर्षी देखील लाखो भाविकांना दर्शनासाठी खडतर मार्ग पार करावा लागतो की काय अशी परिस्थिती निर्माण झाली होती. असे असताना आमदार मंगेश चव्हाण यांनी या कामासाठी पुढाकार घेतला आहे. त्यांनी भाविकांच्या सोयीसाठी नदीपात्रात तात्पुरत्या स्वरुपात पुल उभारणीचे काम सुरु केले आहे.
आमदार यांनी गुरुवारी स्वतः कामाच्या ठिकाणी जाऊन पाहणी केली व पुलाच्या उभारणी संदर्भात सूचना दिल्या. यामुळे शारदीय नवरात्र उत्सवात दर्शनासाठी येणाऱ्या लाखो भाविकांची मोठी सोय होणार आहे. याप्रसंगी वन्यजीव विभागाचे अधिकारी ज्ञानेश्वर देसाई, पाटणाचे सरपंच नितीन पाटील, भास्कर पाटील, युवा मोर्चा प्रदेश उपाध्यक्ष भावेश कोठावदे, मनोज गोसावी आदी उपस्थित होते.
पाटणादेवीच्या शारदीय नवरात्र उत्सवासाठी देशभरातून लाखो भाविक येत असतात. या भाविकांच्या सोयीसुविधा व उत्सवाची तयारी पाटणा ग्रामपंचायत, ग्रामस्थ, मंदिर ट्रस्ट मार्फत केली जात होती. मात्र गेल्या काही वर्षांपासून या मंदिराचे संपूर्ण नियंत्रण पुरातत्व विभागाने घेतल्याने ‘भाविकांच्या सोयीसुविधांची वानवा होत आहे. हि बाब लक्षात घेत आमदार मंगेश चव्हाण यांनी पाटणादेवी मंदिर व परिसर नऊ दिवस नवदुर्गा संकल्पनेवर आधारित सजवला जाणार आहे. तसेच देवीला दागिन्यांचा साज घालून मढवले जाणार असून भाविकांच्या वाटेत विद्युत रोषणाई देखील केली जाणार असल्याने अध्यात्मिक अनुभूती येणार आहे.
नऊ दिवस – नवदुर्गा संकल्पनेवर सजवला जाणार मंदिर व परिसर, देवीला दागिन्यांचा साज !
खानदेशाची कुलदैवत आदिशक्ती चंडीकादेवी (पाटणादेवी) च्या शारदीय नवरात्र उत्सवासाठी देशभरातून लाखो भाविक येत असतात. या भाविकांच्या सोयीसुविधा व उत्सवाची तयारी पाटणा ग्रामपंचायत, ग्रामस्थ, मंदिर ट्रस्ट मार्फत केली जात होती, मात्र गेल्या काही वर्षांपासून सदर मंदिराचे संपूर्ण नियंत्रण पुरातत्व विभागाने घेतल्याने भाविकांच्या सोयीसुविधांची वानवा होत आहे. हि बाब लक्षात घेत आमदार मंगेशदादा चव्हाण यांनी यावर्षीचा नवरात्र उत्सव अविस्मरणीय करण्याचा संकल्प केला आहे. पाटणादेवी मंदिर व परिसर नऊ दिवस – नवदुर्गा संकल्पनेवर आधारित सजवला जाणार आहे, तसेच देवीला दागिन्यांचा साज घालून मढवले जाणार असून भाविकांच्या वाटेत विद्युत रोषणाई देखील केली जाणार असल्याने एक वेगळीच अध्यात्मिक अनुभूती भाविकांना मिळणार आहे. लोकप्रतिनिधी म्हणूनच नव्हे तर देवीचा भक्त या नात्याने दर्शनासाठी येणाऱ्या भाविकांना अडचणी येऊ नयेत याची जबाबदारी माझी आहे, त्यामुळे पुरात्तव विभागाच्या वेळकाढू नियमांच्या मागे न लागता मी स्वतः पुढाकार घेऊन तात्पुरता पूल उभारून देत आहे. हि सर्व सेवा आई पाटणादेवीच्या चरणी अर्पण करत असल्याची भावना आमदार मंगेशदादा चव्हाण यांनी व्यक्त केली.
लोकप्रतिनिधी म्हणूनच नव्हे तर देवीचा भक्त या नात्याने दर्शनासाठी येणाऱ्या भाविकांना अडचणी येऊ नयेत याची जबाबदारी माझी आहे, ही सर्व सेवा आई पाटणादेवीच्या चरणी अर्पण करत आहे. तसेच पाटणादेवीचा यंदाचा नवरात्र उत्सव अविस्मरणीय करण्याचा संकल्प आहे.
– आमदार मंगेश रमेश चव्हाण
