मुंबई (वृत्तसंस्था) कोरोना लसीवर काम करणाऱ्या अमेरिकेतील जॉन्सन अॅण्ड जॉन्सन ही औषध निर्माण कंपनी कोरोनावर लस तयार करत आहे. मात्र, या लसीच्या चाचणी तील एका टप्प्यात स्वयंसेवकांच्या शरीरावर दुष्परिणाम दिसून आल्यानंतर या लसीच्या चाचण्या अचानक काही काळासाठी थांबवण्यात आल्या आहेत. लसीच्या अंतिम टप्प्यात चाचणी सुरू असताना एक रुग्ण आजारी पडल्याने तात्काळ ही लस थांबवण्यात आली आहे.
संपूर्ण जगभरात कोरोना विषाणूने थैमान घातलं आहे. यामुळे कोरोना रोखण्यासाठी युद्ध पातळीवर अनेक देशात लस तयार करण्याचं काम सुरू आहे. यादरम्यान काहींना लस तयार करण्यात यश येत आहे तर काहींना अपयश येतं आहे. काही दिवसांपूर्वी ऑक्सफर्डची AZD1222 कोरोना लसीची तिसऱ्या टप्प्यातील चाचणी थांबवण्यात आली होती. आता अमेरिकेतील जॉन्सन अॅण्ड जॉन्सननं कोरोना लसीच्या चाचण्या थांबवल्या आहे. कारण या लसीचे स्वयंसेवकांना साईड इफेक्ट झाले आहेत.
कोरोनावर नियंत्रण आणण्यासाठी अमेरिकेतील मॉर्डना, पीफायझर या कंपन्याप्रमाणे जॉन्सन अॅण्ड जॉन्सननंही कोरोनावर लस निर्माण केली. पण या लसीचे स्वयंसेवकांच्या शरीरावर साईड इफेक्ट दिसून आल्यामुळे अचानक काही काळासाठी या लसीच्या चाचण्या थांबवण्यात आल्या आहेत.
दरम्यान सध्या या लसीच्या चाचण्या सुरू होत्या. जॉन्सन अॅण्ड जॉन्सनच्या Ad26.COV2.S लसीचे दोन डोस घेतल्यानंतर देखील स्वयंसेवकांच्या शरिरावर कोणतेही साईड इफेक्ट दिसले नाहीत. तसेच स्वयंसेवकांना कोरोना विरोधात लढण्यासाठी या लसीचे सिंगल डोस दिल्यानंतर त्यांच्यामध्ये रोग प्रतिकारक शक्ती निर्माण झाली. म्हणून कोरोनावर ही लस प्रभावी असल्याचे मानले जात होते. पण आता जॉन्सन अॅण्ड जॉन्सननं या लसीच्या चाचण्या थांबवल्याचे समोर आले आहेत. याबाबतचे वृत्त रॉयटर्सने दिले आहे.
