धानोरा ता . चोपडा ( वार्ताहर ) येथील ग्रामपंचायतच्या सरपंचपदी शिवसेनेच्या सुनिता संतोष कोळी यांची निवड झाली. त्यांनी गजानन कोळी यांचा पराभव केला. सुनिता कोळी यांना ९ तर गजानन कोळी यांना ८ मते पडलीत. तर उपसरपंच विजय चौधरी यांना ही ९ मते पडलीत. त्यांनी सावंत महाजन यांचा पराभव केला.
सरपंचपद एसटी जनरल निघाल्याने पाच उमेदवार दावेदार होते. तत्पुर्वी सरपंच पदासाठी सुनिता कोळी,रज्जाक तडवी,गजानन कोळी यांनी अर्ज दाखल केले होते. रज्जाक तडवी यांनी माघार घेतली.उपसरपंच पदी विजय चौधरी व सावंत महाजन यांचा प्रत्येकी एक अर्ज आला होता. गुप्त मतदानाद्वारे निवड करण्यात आली . याप्रसंगी ग्रामपंचायत सदस्य माणिकचंद महाजन, मेघा चौधरी, मेघा पाटील, अनिता कोळी, कमल पाटील, पंढरीनाथ कुंभार, गजानन कोळी, सावंत महाजन, रज्जाक तडवी, शितल महाजन, लिला महाजन , ममता पाटील, मुख्तार कादर, रविंद्र शिरसाठ उपस्थित होते.
यावेळी पिठासिन अधिकारी शिवाजी पाटील यांनी काम पाहीले.त्यांना मदत म्हणुन ग्रामसेविका एस बी पाडवी, कोतवाल तानाजी महाले यांनी मदत केली. याप्रसंगी अडावद पोलिस ठाण्याकडून सहाय्यक पोलिस निरीक्षक योगेश तांदळे यांच्या मार्गदर्शनाखाली बिट हवालदार जगदिश कोळंबे, मुख्यालयातील दहा कर्मचारी,पोलिस पाटील दिनेश पाटील यांनी चोख बंदोबस्त ठेवला होता.
