नवी दिल्ली (वृत्तसंस्था) देशात जीवघेण्या कोरोना व्हायरसचा प्रादुर्भाव दिसून येत आहे. दरम्यान, देशातील दैनंदिन कोरोना रुग्णांच्या संख्येत घट झाल्याचं पाहायला मिळत आहे. गेल्या २४ तासांत ६२ हजार २२४ नवीन कोरोनाबाधितांची नोंद झाली आहे. तर २५४२ कोरोनाग्रस्तांना प्राण गमवावे लागले आहेत.
केंद्रीय आरोग्य मंत्रालयाच्या दिलेल्या माहितीनुसार देशातील कोरोनाची परीस्थिती आटोक्यात येत आहे. देशात गेल्या २४ तासात ६२,२२४ नवीन कोरोनाबाधित रुग्ण आढळले आहेत. तर १,०७,६२८ जणांनी कोरोनावर मात केली आहे. तसेच गेल्या २४ तासात २५४२ रुग्णांचा कोरोनामुळे मृत्यू झाला आहे. आतापर्यंत देशात २,९६,३३,१०५ रुग्ण आढळले आहेत. तर २,८३,८८,१०० बाधितांनी कोरोनावर मात केली आहे. ३,७९,५७३ रुग्णांचा कोरोनामुळे मृत्यू झाला आहे. सध्या देशात ८,६५,४३२ बाधित रुग्णांवर उपचार सुरु आहेत.
देशात नविन कोरोना रुग्णांपेक्षा बरे होणाऱ्यांची संख्या जास्त आहे. १५ जूनपर्यंत देशभरात २८,००, ४५८ नागरिकांना लस देण्यात आली आहे. आतापर्यंत २६,१९,७२,०१४ नागरीकांचे लसीकरण झाले आहे.
