जळगाव (प्रतिनिधी) खाजगी रुग्णालयात कोविड उपचार घेतल्यानंतर केस पेपरसह इतर सर्व वैद्यकीय कागदपत्राच्या छायांकित प्रति तात्काळ देण्यासह इतर विविध मागण्यांसाठी भारतीय जनता पार्टी वैद्यकीय आघाडी उत्तर महाराष्ट्र सहसंयोजक डॉ.नितु पाटील यांनी जिल्हाधिकाऱ्यांना निवेदन दिले आहे.
डॉ.नितु पाटील यांनी जिल्हाधिकाऱ्यांना दिलेल्या निवेदनात म्हटले आहे की, खाजगी रुग्णालयांच्या बिलांचे ऑडीट होणार त्यसाठी आपण सहा सदस्य असलेली ‘आक्षेप निवारण समिती’ गठीत करणार असून समितीने आठवड्यातून किमान दोन वेळा जिल्ह्या रुग्णालयात बैठक आयोजित करावी आणि संबंधित तक्रारदार रुग्ण,नातेवाईक,रुग्णालय प्रशासन यांचे म्हणणे एकूण निराकारण करावे,तरी या बद्दल आमच्या जळगाव वैद्यकीय आघाडीतर्फे आपले मनपूर्वक धन्यवाद….! लोकशाहीमध्ये जनतेचा सहभाग,पारदर्शकता,प्रशासकीय जबाबदारी यांचा मेळ अभिप्रेत असून त्यावर हि समिती कार्य करेल हा विश्वास आहे. शासनाच्या सुधारित परिपत्रकानुसार १०० टक्के बिलांचे ऑडीट न करता इन्शुरन्स असलेले, परतावा मिळणारे व २० टक्के कोट्यातील रुग्णांचे बिल वगळून इतरांचे बिल संबंधात तक्रारी असल्यास ऑडीट होणार आहे.
माझी मागणी आहे की, १.सर्व कॉविड आजारातून बरे/मृत्यू झालेल्या रुग्णांना अथवा नातेवाइकांना सर्व केस पेपरची छायांकित प्रत लगेच देण्यात यावी,कारण असेही रुग्णालयांन विमा कंपनी यांना खरी प्रत जमा करावी लागते तेव्ह्या इतर करोना रुग्णांना पण ती देण्यात यावी,यामुळे सदर रुग्ण त्यांच्या जवळच्या डॉक्टर कडून ते तपासेल आणि काही वाटल्यास तक्रार करेल अथवा ठराविक मुद्द्यावर स्पष्टीकरण व्हावे म्हणून ऑडीट ची मागणी करेल, सरसकट मागणी करणार नाही.त्यामुळे समितीचा बहुमूल्य वेळ वाचेल. तसेच छायांकित प्रतसाठीचा खर्च हा स्वत:हा रुग्ण करेल.
सर्व बिल,रक्त तपासणी रिपोर्ट बिल,इतर बिल यांची पूर्तता लगेच करण्यात यावी,कारण जर रुग्ण दगावल्यास नातेवाईक अंतसंस्काराच्या कार्यक्रमात व्यस्त होतात,मग विलंब होत जातो. आक्षेप निवारण समिती आठवड्यातून किमान दोन वेळा जिल्ह्या रुग्णालयात बैठक घेणार असून त्याची जाहीर वर्तमान पेपरात जनहितार्थ माहिती देण्यात यावी.किती तक्रारी आल्या,कोणत्या रुग्णालयाच्या आल्या,किती दावे सेटल झाले,किती रुग्णांना रक्कम परत मिळाली आदी आदी जाहीर करण्यात यावी.
