कासोदा ता. एरंडोल (प्रतिनिधी) कासोदा येथे प्राथमिक आरोग्य केंद्र कोव्हीड लसीकरणाला दि. ८ मार्च २०२१ आजपासून सुरुवात करण्यात आली आहे. उद्घाटन माजी जिल्हा परिषद अध्यक्ष उज्वला मच्छिंद्र पाटील यांच्या हस्ते करण्यात आले.
याप्रसंगी कासोदा गावाचे सरपंच महेश बापू पांडे उपसरपंच डॉ. नाजीम अली सैय्यद, एरंडोल तालुका आरोग्य अधिकारी डॉक्टर फिरोज शेख, प्राथमिक आरोग्य केंद्र कासोदाचे मेडिकल ऑफिसर डॉ. एन एफ शेख, डॉ. पृथ्वीराज वाघ, आरोग्य सहाईका शोभा पाटील, आरोग्य सहाय्यक शिरसाट नाना, आरोग्य सेवक आर एस पाटील, लॅब टेक्निशन शाहिद मुल्लाजी व निलेश माळी हे उपस्थित होते. पहिल्या दिवशी ४२ लोकांना लसीकरण करण्यात आले. तसेच ६० वर्षाचे व्यक्ती व मधुमेह रक्तदाबाचे पेशंटने लसीकरण करावे असे आव्हान कासोदा गावाचे सरपंच महेश बापू पांडे यांनी केले.
