मुंबई (वृत्तसंस्था) बॉलिवूड अभिनेता शाहरुख खानचा मुलगा आर्यन खान हा अद्यापही मुंबई क्रूझ ड्रग्स प्रकरणात आर्थर रोड तुरुंगातच आहे. त्याला तुरुंगातून जामीनावर बाहेर काढण्यासाठी बरेच प्रयत्न सुरु आहेत. दरम्यान, आता आर्यन प्रकरणात हॅकर मनिष भंगाळेची एन्ट्री झाली आहे. ड्रग्ज प्रकरणात पुराव्यांची छेडछाड करण्यासाठी पाच लाखांची ऑफर दिल्याचा दावा मनिषने केला आहे.
मनीष भंगाळे याला भेटण्यासाठी जळगावला ६ ऑक्टोबरला आलोक जैन आणि शैलेश चौधरी असे दोन जण आले होते. त्यांनी सीडीआरचं काम सांगितलं. त्याने काही नंबर सांगितलं. त्यातील एक नंबर त्यांच्या मोबाईलमध्ये पूजा ददलानी म्हणून सेव्ह होतं. त्यांच्याकडे आणखी काही नंबर होते. तसेच त्यांनी आपल्याकडे एक व्हाट्सऍपचॅट आहे. ते मॉडीफाय करुन टाका, आम्ही जे कंटेट सांगू ते टाका, असं त्यांनी सांगितलं. त्यांच्या मोबाईलमध्ये जी फाईल या संदर्भातील होती ती आर्यन खान व्हॉट्सऍप चॅट या नावाने होती. त्यांनी प्रभाकर साईल नावाचे डमी सीमकार्ड काढून देण्यास सांगितला. तसेच यासाठी पाच लाख देऊ असं मनीषने सांगितलं.
मनीष पुढे म्हणाला की, त्यांनी मला खूप आमिषे दाखविली. त्यांनी मला दहा हजार रुपये दिले. मी ते घेऊन निघून आलो. मी त्यांचे नंबर ट्रू कॉलरला चेक केलं तर सॅम डिसूजा म्हणून दिसलं. याबाबत मी मुंबई पोलिसांना केंद्रीय गृहमंत्रालय तसेच महाराष्ट्र गृहमंत्रालयाला पाठवले असल्याची प्रतिक्रिया मनीष भंगाळे याने दिली आहे.
