जमशेदपूर (वृत्तसंस्था) प्रियकराच्या मदतीने एका महिलेने पती आणि सासऱ्याची गळा दाबून हत्या (Murder) केल्याची धक्कादायक घटना झारखंडमधील जमशेदपूर येथील बागबेरा पोलीस ठाण्याच्या हद्दीतील गांधीनगरमधील घडली आहे. एवढेच नाहीतर घटनास्थळी प्रियकराशी शारीरिक संबंध ठेवले. यानंतर अवघ्या २४ तासांतच पोलिसांनी पत्नीला अटक करत या दुहेरी हत्याकांडाचा उलगडा केला.
मृत वडिलांचं नाव सुशील मोहंती असं असून ते ७० वर्षाचे होते. तर महिलेच्या मृत पतीचं नाव राजू मोहंती असून ते ४० वर्षाचे होते. घटनेच्या तपासादरम्यान पोलिसांना महिलेच्या पतीच्या मानेवर खुणा आढळल्या. त्यानंतर पोलिसांना या व्यक्तीच्या पत्नीवर संशय आला. पोलिसांनी आरोपी पत्नी आणि तिच्या प्रियकराला अटक करून चौकशी केली असता संपूर्ण घटनेचा उलगडा झाला. पोलिसांनी सांगितलं की, राजूला त्याच्या पत्नीवर आधीपासूनच संशय होता. गुरुवारी रात्री उशिरा त्याने पत्नीला प्रियकरासह आक्षेपार्ह अवस्थेत पाहिलं. त्यानंतर तिघांमध्ये वाद सुरू झाला. यात पत्नी आणि तिच्या प्रियकराने आधी राजूचा खून केला, त्यानंतर दुसऱ्या खोलीत झोपलेल्या राजूच्या वडिलांचा गळा दाबून हत्या केली. दुहेरी हत्याकांड केल्यानंतर दोघांनी घटनास्थळीच शारीरिक संबंध ठेवले.
राजूला चार मुलं आहेत. आरोपी महिलेचे आधीच गुन्हेगारी रेकॉर्ड आहेत. गांजा विकल्याप्रकरणी यापूर्वीही ती तुरुंगात गेली आहे. ती काही महिन्यांपूर्वीच तुरुंगातून बाहेर आली. आरोपी प्रियकर सुमारे २ महिन्यांपासून महिलेच्याच घरात भाड्याने खोली घेऊन राहत होता.
