बिहार (वृत्तसंस्था) बिहारमध्ये गोपालगंज येथे धक्कादायक बातमी समोर आली आहे. चार वर्षाच्या मुलाला कोब्रा सापाने दंश केला, अन सापच चक्क तडफडून मेला आहे. परंतु महत्वाची बाब म्हणजे मुलाला काहीच झाले नाही. दंश केल्यानंतर मुलाला काहीच न झाल्याने सर्वत्र चर्चा सुरू झाली आहे.
साधारणपणे साप चावल्यानंतर व्यक्तीचा मृत्यू होतो. माधोपूर गावात राहणाऱ्या रोहित कुमार यांचा अनुज नामक चार वर्षीय मुलगा हा सांयकाळी त्यांच्या मित्रांसोबत अंगणात खेळत होता. खेळताना अचानक त्याला कोब्रा सापाने दंश केला त्याच्यासोबतचे असलेले मित्र पळून गेले. मात्र मुलाजवळ उभे असलेल्या काही लोकांनी काठी घेऊन सापाला मारायला धावले. मात्र त्याआधीच साप त्यांच्या तावडीतून निसटला.
सापाने दंश केल्यानंतर मुलाच्या नातेवाईकांनी त्याला रुग्णालयात दाखल केले. त्यानंतर डॉक्टरांनी त्याच्यावर उपचार केले. उपचारानंतर मुलगा खेळत असल्याचे नातेवाईकांनी सांगितले. या घटनेनंतर मुलाच्या नातेवाईकांनी मुलाला दंश केलेल्या सापाला पकडून रुग्णालयात नेले. मुलाला चावलेला साप मृत अवस्थेत आढळून आला. त्यामुळे चर्चा सुरू झाली आहे.
