धरणगाव (प्रतिनिधी) शहरातील जैन गल्लीतील एका घरात धाडसी चोरी झाल्याचा प्रकार उघडकीस आला आहे. अज्ञात चोरट्याने सोनसाखळीसह रोकड असा एकूण १ लाख १७ हजाराचा ऐवज लंपास केला आहे.
किशोर गुलाबदास जैन व त्यांचा मुलगा आयुष जैन हे दि. १ जुलै रोजी नेहमी प्रमाणे रात्री १० च्या सुमारास रात्री झोपले. झोपण्यापूर्वी किशोर जैन यांनी गळ्यातील सोन्याची चैन बाजूला टेबलावर काढून ठेवली. यानंतर अज्ञात चोरट्यांनी घराच्या मागील बाजूने लहान गल्लीतून वर चढून दार मागचे दार उघडले व घरातत शिरले. घरात आल्यावर चोरट्यांनी घरातून किशोर जैन यांच्या खिशातील ४५ हजार रोख व २ तोळ्यांची सोनसाखळी लंपास केली.
पहाटे ५ वाजेच्या सुमारास किशोर जैन यांना जाग आल्यावर त्यांना वरच्या खोलीतील लाईट सुरु दिसला. त्यामुळे त्यांना शंका आली. त्यामुळे त्यांनी आजूबाजूला बघितले असता त्यांना टेबलावरील सोन्याची चैन आणि खिशातल रोकड लंपास झाल्याचे लक्षात आले. घटनेची माहिती मिळताच सकाळी जैन समाजाचे अध्यक्ष राहुल जैन,उपाध्यक्ष प्रतीक जैन यांनी भेट दिली व पोलीस प्रशासनास कळवून प्रकरणाची माहिती दिली. दरम्यान, या घटनेमुळे जैन गल्लीत भीतीचे वातावरण तयार झाले असून लवकरात लवकर तपास करावा व रात्री पेट्रोलिंग करावी,अशी मागणी करण्यात आली.
