मुंबई (वृत्तसंस्था) दाऊद इब्राहिमचा उजवा हात इकबाल मिर्ची (Iqbal Mirchi) याने भाजपला दहा कोटी रुपये पक्षनिधी दिल्याचा आरोप राष्ट्रवादीचे प्रदेश उपाध्यक्ष माजी आमदार अनिल गोटे (Former MLA Anil Gote) यांनी केला आहे..
गोटे यांनी म्हटले आहे की, देशद्रोह्यांशी भाजपचे संबंध आहेत. १९९३च्या स्फोटातील आरोपी इकबाल मिर्ची यांच्या भागिदारी असलेल्या आरके डब्ल्यू या कंपनीकडून भाजपला निधी मिळाल्याचे निवडणूक आयोगाच्या देणगीदारांच्या यादीत जाहीर केले आहे.
गोटे यांनी म्हटले आहे की, आता ईंडी याबाबत चौकशी करून अहवाल देणार आहे का? त्यांनी म्हटले आहे की भाजपला हे पैसे वर्गणी म्हणून मिळाले नसतील तर ती खंडणी वसुली होती का याचा ही तपास करून केंद्रीय तपास यंत्रणा गुन्हा दाखल करणार आहेत का? माजी आमदार गोटे यानी आरोप केला आहे की राज कुंद्रा, रणजित बिंद्रा यांच्या प्रमाणे मिर्ची हा देखील भाजपचा देणगीदार आहे.
