भुसावळ (प्रतिनिधी) भाजपच्या वैद्यकीय आघाडीचे उत्तर महाराष्ट्र संयोजक डॉ. नि. तु. पाटील यांच्या ओम सिद्धगुरु नित्यानंद प्रतिष्ठिनतर्फे आणि आज भारतीय जनता पार्टीच्या ४१ व्या वर्धापनदिनाचे महत्त्व साधत भुसावळ ग्रामीण रुग्णालय आणि ट्रॉमा केअर सेंटरला सलाईनची भेट देण्यात आली.
भाजपच्या वैद्यकीय आघाडीचे उत्तर महाराष्ट्र संयोजक डॉ. नि. तु. पाटील यांच्यावर अलीकडेच ग्रामीण रूग्णालय आणि ट्रॉमा केअर सेंटरमध्ये उपचार करण्यात आले. ते येथे उपचार घेत असतांना भुसावळ ग्रामीण रुग्णालय आणि ट्रॉमा केअर सेंटरमध्ये कोरोना संक्रमित काळात एक गोष्ट प्रकर्षाने जाणवली. ती म्हणजे इंजेक्शन रेमडीसिव्हर अथवा अँटिबायोटिक अथवा स्टिरॉइड्स आदी देतांना ते ५०० ml च्या सलाईनने देतांना भरपूर वेळ लागत आहे. शिवाय रुग्णांना हात सतत एकाच ठिकाणी ठेवावा लागत असल्यामुळे इतर रुग्णांना उपचारासाठी विलंब होतो. त्यावर उपाय म्हणून तेथील स्टाफ वर्ग 500 ml ची बॉटल ही 300ml पर्यंत खाली करायचे आणि मग त्याद्वारे इंजेक्शन द्यायचे, यात पण वेळ जातो शिवाय औषध वाया जात आहे. तसेच सरकारी रुग्णालयात100ml चा स्टॅक नसल्याने हा सर्व प्रकार होत आहे.
शेवटी आज ओम सिद्धगुरु नित्यानंद प्रतिष्ठित, भुसावळतर्फे जवळपास १५०० संख्या असलेले 100ml च्या बॉटल भुसावळ ग्रामीण रुग्णालय आणि ट्रॉमा केअर सेंटरला भेट दिल्यात. यामुळेच नक्कीच आता स्टाफ आणि रुग्णांचा पण वेळ वाचेल, आणि उपचार लवकर होतील. कारण दिवसाला ५० रुग्णांना ३ वेळेस डोस द्यायचे म्हटले म्हणजे वेळ लागणारच, पण आता तो कमी होईल. ग्रामीण रुग्णालयात रुग्णांना योग्य ती सेवा मिळावी, म्हणून मी कटिबद्ध आहे, त्याचाच एक भाग म्हणून आज सलाईन भेट देण्यात आल्या. असे भाजप वैद्यकीय आघाडी उत्तर महाराष्ट्र सहसंयोजक डॉ. नितु पाटील यांनी सागितले.
यावेळी भाजप वैद्यकीय आघाडी उत्तर महाराष्ट्र सहसंयोजक डॉ. नितु पाटील, मुख्य वैद्यकीय अधीक्षक डॉ. मयूर नितीन चौधरी, डॉ. विक्रांत सोनार, डॉ. भालचंद्र चाकूरकर, डॉ. शुभांगी पाटील, डॉ. निखिल चौधरी एलियास शेख आदी उपस्थित होते.
