जळगाव (प्रतिनिधी) काही दिवसापूर्वी ग्रामविकास मंत्री गिरीश महाजन यांची फेसबुक पेजवर बदनामी केल्याप्रकरणी गुन्हा दाखल करण्यात आला होता. आता पालकमंत्री गुलाबराव पाटील यांच्या बाबतीत देखील तसाच प्रकार घडला आहे. याप्रकरणी एमआयडीसी पोलीस स्टेशनमध्ये अज्ञात फेसबुक पेज चालवणाऱ्या इसमावर गुन्हा दाखल करण्यात आला आहे.
याबाबत नगरसेवक गणेश सोनवणे यांनी दिलेल्या तक्रारीत म्हटले आहे की, ‘शिवसेना जळगाव ग्रामीण’ या फेसबुक पेजवर ७ एप्रिल ते 25 जुलै पर्यंत वेळोवेळी पालकमंत्री गुलाबराव पाटील यांच्याबाबत बदनामीकारक मजकूर टाकण्यात आला होता. या प्रकरणी एमआयडीसी पोलीस स्टेशनमध्ये अज्ञात व्यक्तीविरोधात भादंवि कलम ४९९ व ५०० प्रमाणे अज्ञात इसमावर नगरसेवक गणेश सोनवणे यांच्या फिर्यादीवरून गुन्हा दाखल करण्यात आला आहे. पुढील तपास पोलीस उपनिरीक्षक दत्तात्रेय पोटे हे करीत आहेत.
