धरणगाव (प्रतिनिधी) राष्ट्रपिता महात्मा जोतीराव फुले यांचा जन्मदिनी शासकीय सुट्टी घोषित करण्याच्या मागणीसाठी आज धरणगाव येथे विविध सामाजिक – राजकीय संघटनांनी एकत्रित येऊन तहसिलदारांना निवेदन दिले.
राष्ट्रपिता महात्मा जोतीराव फुले यांचा जन्मदिनी शासकीय सुट्टी घोषित करण्याच्या मागणीसाठी आज संपूर्ण महाराष्ट्रात मुख्यमंत्री, उपमुख्यमंत्री, मंत्रीमंडळ, जिल्हाधिकारी, प्रांताधिकारी, तहसीलदार यांच्यासह प्रशासकीय सेवेत कार्य करणाऱ्या अधिकारी वर्गाला एकाच वेळेस निवेदन सादर करण्यात आले. या अनुषंगाने तहसील कार्यालय धरणगाव येथे विविध सामाजिक – राजकीय संघटनांनी एकत्रित येऊन “११ एप्रिल सत्यशोधक तात्यासाहेब महात्मा जोतीराव फुले जयंती निमित्त शासकीय सुट्टी जाहीर करावी” याबाबत धरणगाव तहसिलचे सुनील पानपाटील यांना निवेदन देण्यात आले.
यावेळी सत्यशोधक समाज संघाचे जिल्हा समन्वयक पी.डी. पाटील यांनी आपल्या प्रस्तावनेतून आंदोलनाची भूमिका स्पष्ट केली. याप्रसंगी शिवसेनेचे सहसंपर्कप्रमुख गुलाबराव वाघ, राष्ट्रवादीचे ज्ञानेश्वर महाजन, माळी समाजाध्यक्ष विठोबा महाजन, रामकृष्ण महाजन, उपाध्यक्ष शिवाजीराव देशमुख, मराठे समाजाध्यक्ष भरत मराठे, संभाजी ब्रिगेडचे जिल्हा कार्याध्यक्ष लक्ष्मणराव पाटील आदी मान्यवरांच्या हस्ते तहसिलचे अधिकारी सुनिल पानपाटील यांना निवेदन देण्यात आले.
सत्यशोधक समाजाच्या शतकोत्तर सुवर्ण महोत्सवी वर्षाचे निमित्ताने राष्ट्रपिता महात्मा ज्योतिराव फुले यांच्या जन्मोत्सव (दि.११ एप्रिल) यादिनी शासकीय सुट्टी जाहीर केल्याचा आदेश काढण्याबाबत योग्य ती कार्यवाही (घोषित) करण्यासंदर्भात सकल माळी समाज, शिवसेना उ.बा.ठाकरे, राष्ट्रवादी, शिवसेना, काँग्रेस, बहुजन क्रांती मोर्चा, संभाजी ब्रिगेड, धरणगाव तालुका अधिकृत पत्रकार संघ, अखिल भारतीय सावता माळी युवक संघ, राष्ट्रीय किसान मोर्चा, राष्ट्रीय मुस्लिम मोर्चा, भारत मुक्ती मोर्चा या सर्व संघटनांनी सत्यशोधक समाज संघ महाराष्ट्र राज्य यांच्या मागणीला पाठिंबा दिला आहे.
निवेदन सादर प्रसंगी महात्मा फुले हायस्कूलचे मुख्याध्यापक जे एस पवार, बहुजन क्रांती मोर्चा जिल्हा संयोजक तथा धरणगाव तालुका अधिकृत पत्रकार संघाचे अध्यक्ष राजेंद्र वाघ, जेष्ठ पत्रकार ॲड.व्ही एस भोलाणे, पत्रकार विकास पाटील, पत्रकार जितेंद्र महाजन, पत्रकार प्रमोद पाटील, माहिती अधिकार कायदा महासंघ तालुकाध्यक्ष सतिष शिंदे, शहराध्यक्ष निलेश पवार, सरपंच अरुण शिरसाठ, राष्ट्रीय किसान मोर्चा तालुकाध्यक्ष गोरख देशमुख, राष्ट्रीय मुस्लिम मोर्चा तालुकाध्यक्ष नगर मोमीन, हसन मोमिन, बुद्धिस्ट इंटरनॅशनल नेटवर्कचे महेंद्र तायडे, शिवसेनेचे उपजिल्हाप्रमुख महेंद्र महाजन, काँगेस कमिटीचे उपशहराध्यक्ष नंदलाल महाजन, रामचंद्र माळी, अखिल भारतीय संत सावता माळी युवक संघाचे जिल्हाध्यक्ष विनायक महाजन, जेष्ठ सामाजिक कार्यकर्ते मोतीलाल माळी, डिगंबर माळी, व्ही टी माळी, एच डी माळी, रविंद्र बाविस्कर, नितेश माळी, एम बी मोरे, एस एन कोळी, ॲड. रविंद्र गजरे, ॲड. शरद माळी, किशोर माळी, राकेश गजरे, संतोष महाजन, जितेंद्र गजरे, एस आर महाजन, दीपक महाजन, शिपाई कैलास माळी, विक्रम पाटील, दिनेश भदाणे यांच्यासह आदी उपस्थित होते.
