शिक्षेच्या स्थगिती याचिकेबाबत देवकर म्हणतात….

जळगाव (प्रतिनिधी) घरकुल घोटाळ्यातील शिक्षेला स्थगिती मिळण्याबाबत सर्वोच्च न्यायालयात दाखल केलेल्या याचिके संदर्भात माजी पालकमंत्री गुलाबराव देवकर यांनी नो कमेंट्स अशी प्रतिक्रिया “द क्लिअर न्यूज” सोबत बोलताना दिली आहे

यासंदर्भात अधिक असे की जळगावसह अवघ्या महाराष्ट्रात गाजलेल्या घरकुल घोटाळा प्रकरणात माजी मंत्री सुरेशदादा जैन, गुलाबराव देवकर यांच्यासह काही आरोपींना दोषी ठरवण्यात आले होते. याबाबत धुळे विशेष न्यायालयाने 31 ऑगस्ट 2019 रोजी शिक्षा ठोठावली होती. धुळे विशेष न्यायालयाच्या या निर्णयाविरुद्ध माजी पालकमंत्री गुलाबराव देवकर यांनी उच्च न्यायालयात दाद मागितली होती. त्यावर सुनावणी होऊन उच्च न्यायालयाने त्यांच्या शिक्षेस स्थगिती दिली होती. परंतु या स्थगीती आदेशाच्या विरोधात प्रवीण ठाकूर यांनी स्वतंत्र याचिका दाखल करत सर्वोच्च न्यायालयाला विशेष न्यायालयाच्या आदेशावर स्थगिती दिली जावी, अशी मागणी केली होती. या याचिकेवर आता न्यायमूर्ती नागेश्वर राव अजय रस्तोगी यांच्या न्यायालयात सुनावणी होणार आहे. न्यायालयाने राज्य सरकार तथा माजी पालकमंत्री देवकर यांना याबाबत नोटीस बजावली असून आपले म्हणणे सादर करण्याचे आदेश दिले आहे.

दरम्यान या संदर्भात “द क्लियर” निवडणे माजी पालकमंत्री गुलाबराव देवकर यांची प्रतिक्रिया जाणून घेतली असता त्यांनी सांगितले की या विषयावर तूर्त मी प्रतिक्रिया देऊ शकत नाही सर्वोच्च न्यायालयात याचिका दाखल झाल्याचे कळले परंतु यावर मी नंतर बोलेन. देवकर यांच्या शिक्षेला स्थगितीच्या आदेशाला स्थगिती मिळावी अशी याचिका गोपाळ ठाकूर नामक ्यक्‍तीने दाखल केली आहे.