धरणगाव (प्रतिनिधी) शहरालगत अमळनेर रस्त्यावर असलेल्या गायरान जमिनीवर अतिक्रमण केल्याच्या तक्रारी जिल्हाधिकार्‍यांकडे प्राप्त झाल्या होत्या. याच पार्श्वभूमीवर आज जिल्हा पोलीस अधीक्षक डॉ. प्रवीण मुंढे यांनी संबंधित परिसराची पाहणी केली.
धरणगाव शहराच्या लगत अंमळनेर रस्त्यावरील गायरान जमिनीवर अतिक्रमण केल्यासंदर्भात तक्रारी जिल्हाधिकाऱ्यांकडे देण्यात आल्या होत्या. या संदर्भात गायरान बचाव समितीकडून काही निवेदनही देण्यात आली होती. याच बाबत अतिक्रमण परिसराची पाहणी करण्यासाठी आज जिल्हा पोलिस अधीक्षक डॉ. प्रवीण मुंढे यांनी संबंधित परीसराला भेट दिली. यावेळी पोलिस अधीक्षकांनी खेळीमेळीच्या वातावरणात नागरिकांसोबत चर्चा केली. यानंतर पत्रकारांशी बोलतांना श्री. मुंढे म्हणाले की, आम्ही संबंधित लोकांशी चर्चा केली आहे. त्यानुसार कायदेशीर बाब जी असेल ती मान्य असल्याचे सर्वांनी सांगितले. त्यामुळे विनाकरण हेवेदावे करून गावातील खराब होऊ नये, याची सर्वांनी काळजी घ्यावी, असे आवाहन देखील श्री. मुंढे यांनी केले आहे.
यावेळी तहसीलदार नितीन देवरे,पोलीस निरीक्षक शंकर शेळके, पो.ना. मिलिंद सोनार,वैभव बाविस्कर,यांच्यासह आदी कर्मचारी व गायरान बचाव समितीचे शिरीष बयस,अमोल महाजन,अॅड राहुल पारेख,सरकारी वकील सेवा निवृत्त रामभाऊ शिंदे ,ऍड महेंद्र चौधरी,दिलीप महाजन, कन्हैया रायपूर ,कमलेश तिवारी, घनश्याम पाटील, पृथ्वीराज चव्हाण, धनंजय बडगुजर,रहमान शहा, तौसीफ पटेल, रफिक कुरेशी,नौउद्दिन काझी,फिरोज पटेल,शिवसेनेचे नगरसेवक अहमद पठाण,आदील पटेल,नगर मोमीन,गुड्डू पटेल,निजाम मोमीन,हसन मोमीन आदी उपस्थित होते.
