धरणगाव (प्रतिनिधी) दि. २३ (गुरुवार) रोजी मध्यरात्री पाठलाग करून डीझेल चोरणाऱ्या टोळीचा म्होरक्याला पकडणारे पोलीस निरीक्षक उद्धव ढमाले आणि कर्मचारी नरेंद्र चौधरी यांचा आज धरणगाव नाईट ग्रुपतर्फे सत्कार करण्यात आला.
धरणगावात डीझेल चोरणाऱ्या टोळी आणि पोलिसांच्या पाठलागचा सिनेस्टाईल थरार रंगल्याची खळबळजनक घटना दि.२३ (गुरुवार) रोजी मध्यरात्री घडली होती. चोपडा-धरणगाव रोडवर मध्यरात्री साधारण ३ वाजेच्या सुमारास साधारण पंधरा ते वीस मिनिट पोलिसांनी पाठलाग करून टोळीतील एका चोराच्या मुसक्या आवळल्या होत्या. यावेळी चोराने चाकू काढूनही कर्मचारी नरेंद्र चौधरी यांनी त्याच्यासोबत दोन हात करत चोरट्याला ताब्यात घेतले होते. पोलिसांच्या या सतर्कतेमुळे धरणगावात चोरीचा फसला होता. तर डीझेल चोरी करणारी एक मोठी टोळी पोलिसांच्या रेकॉर्डला आली.
यामुळेच नाईट ग्रुपतर्फे आपल्या धरणगाव पोलीस स्टेशनचे पोलीस निरीक्षक उध्दव ढमाले आणि नितीन चौधरी यांचा उत्कृष्ठ कार्य केल्याबद्दल ग्रुपचे ज्येष्ठ सदस्य दिपकभाऊ वाघमारे यांच्या हस्ते सत्कार करण्यात आला. या प्रसंगी ग्रुपचे सदस्य तथा धरणगाव तालुका पत्रकार संघटनेचे शहरध्यक्ष रवि महाजन, अरविंद ओस्तवाल, सीताराम मराठे. चंदुनाना मालपुरे, सागर बाजपाई, मनिष चौधरी, राकेश चौधरी, निलेश पाटील, मुकेश लोखंडे, प्रल्हाद महाजन यांच्या आदी सदस्य उपस्थित होते.
