धानोरा ता. चोपडा (प्रतिनिधी) शासनाच्या मानव विकास कार्यक्रमांतर्गत विद्यालयात बाहेरगाहून ये-जा करणाऱ्या ७३ मुलींना शासनाच्या योजनेनुसार झि.तो. महाजन माध्यमिक व ना.भा. पाटील ज्युनिअर कॉलेजात सायकलींचे वाटप करण्यात आले.
याप्रसंगी सातपुडा शिक्षण संस्थेचे माजी अध्यक्ष बी.एस.महाजन, विद्यालयाचे चेअरमन प्रदीप महाजन, शालेय समिती सदस्य वामनराव महाजन, सागर चौधरी, योगेश पाटील,व्हि.सी.पाटील, इंग्लिश मीडियम स्कूलचे चेअरमन जगदीश कुमार पाटील,पंकज महाजन,प्राचार्य के.एन. जमादार, उपमुख्याध्यापक मोहन चव्हाण या उपस्थित मान्यवरांच्या हस्ते ७३ मुलींना सायकलींचे वाटप करण्यात आले.
यावेळी विद्यालयाचे उपमुख्याध्यापक मोहन चव्हाण यांनी विद्यार्थ्यांना व विद्यार्थी पालकांना मानव विकास अंतर्गत मिळणाऱ्या मोफत सायकलींची माहिती करून दिली. शासनाच्या योजनेचा लाभ मिळाल्याने सायकल घेतांना विद्यार्थिनी व पालकांच्या चेहऱ्यावर विशेष आनंद दिसत होता. या योजनेचा बाहेरगावाहून विद्यालयात शिक्षणासाठी येणाऱ्या मुलींना खूप मोठा फायदा होणार असल्याचे मत या प्रसंगी पालकांमधून व्यक्त करण्यात आला.
