अमळनेर (प्रतिनिधी) तालुक्यातील भिलाली येथे युवा अनुभव अंतर्गत अनुभव शिक्षा केंद्र, जळगावतर्फे महिल्यांचा आरोग्यांची मिळून असे एकुण 150 मोफत सॅनिटरी पॅड वाटप करण्यात आले.
सॅनिटरी नॅपकिनची बाजारात उपलब्ध असलेली किंमत सर्वसामान्य आर्थिक परिस्थिती असलेल्या कुटुंबांना परवडत नाही, तर दुकानदाराकडे सॅनिटरी नॅपकिन मागण्यासाठी जाण्याचा अनेकांना संकोच वाटतो, या कारणांमुळे मुली सॅनिटरी नॅपकिनचा वापर करू शकत नाहीत. याच पार्श्वभूमीवर हा निर्णय महत्त्वपूर्ण ठरणार असून यासाठी गावांमध्ये जनजागृती व समुपदेशन करण्याचा निर्णय युवा अनुभव अंतर्गत अनुभव शिक्षा केंद्रतर्फे घेण्यात आल्याच कळतेय.
या कार्यक्रमात प्रमुख उपस्थिती लोकनियुक्त सरपंच छायाबाई पाटील, माजी सरपंच दिनेश माळी, आशासेविका कल्पना माळी, सामर्थ्य प्रतिष्ठानच्या संचालिका मयुरी माळी, राहुल माळी आदी उपस्थित होते. यावेळी सामर्थ्य प्रतिष्ठानच्या मयुरी माळी यांनी आपल्या मनोगतातून मासिक पाळी विषयी समज-गैरसमज,अंधश्रद्धा यावर चर्चा करुन मासिक पाळीत सॅनिटरी पॅडचे आरोग्यविषयी महत्व महिलांना पटवून दिले. हा उपक्रम यशस्वी करण्यासाठी अलका कोळी, पूनम कोळी, सोनी चित्ते, योगिता गिरासे, चंद्रकला गिरासे यांनी परिश्रम घेतले.